Eronning "Persepolis" klubi ustozi Branko Ivankovich jamoasining mag'lubiyatiga bosh hakamni aybdor qilib ko'rsatdi. Malumki, kecha Yaponiyada o'tkazilgan OCHL finali birinchi uchrashuvida "Kashima Antlers" 2:0 hisobida g'alaba qozondi.

Branko Ivankovich shunday dedi: "Avvalo "Kashima Antlers"ni g'alaba bilan tabriklayman. Lekin hakamlik yaxshi bo'lganida biz yutgan bo'lardik. Birinchi taymda raqib futbolchisi bizning hujumni yaqqol buzdi va unga qizil kartochka berilishi lozim edi. Ammo xitoylik hakam miq etmadi. O'ylaymanki, hakamlik saviyasi finalga xos bo'lmadi. U ko'pincha bizga qarshi qarorlar qabul qildi. Xullas, hamma ayb hakamda. Vaziyat qiyin, lekin javob uchrashuvida mag'lubiyat farqini yo'qqa chiqarib g'alaba qozonishni xohlaymiz. Javob bahsida bizni 80 ming muxlis qo'llab turadi. Bu esa katta ustunlik beradi".

Eslatib o'tamiz, OCHL finalidan o'rin olgan ikkinchi o'yin 10 noyabr kuni Tehrondagi mashhur "Ozodi" stadionida bo'lib o'tadi.

Branko Ivankovich: "Hamma ayb hakamda"