Kiran Makkena boshchiligidagi "Ipsvich" Chempionshipning 46-turida "Xaddersfild"ni taslim qildi (2:0) va 96 ochko to'plab, mavsum yakuniga ko'ra jadvalda ikkinchi o'rinni egalladi.

"Traktorchilar" raqibi "Lids" esa so'nggi turda "Sautgempton"ga mag'lub bo'lib (1:2), uchinchi o'rinda qoldi. Oldinroq "Lester Siti" APL yo'llanmasini qo'lga kiritgan edi.

Chempionshipning birinchi va ikkinchi o'rin egalari APLga yo'l olishdi. Keyingi to'rtta o'rin sohiblari ("Lids", "Sautgempton", "Vest Bromvich" va "Norvich") pley-off o'yinlarida ishtirok etishadi.

"Ipsvich Taun" so'nggi bor 2001/02 mavsumda APLda ishtirok etgan edi.

CHEMPIONSHIP JADVALI

Bu jamoa 22 yil o'tib APLga qaytdi