Qalblarni tirnash niyatimiz yo'g'-u, lekin bugun shu so'zni yana ishlatmasak bo'lmaydi. Agar JCH-2018 saralash bosqichida uchinchi o'rinni olganimizda bugun Avstraliya Malayziyada emas, Toshkentda navbatdagi o'yinga tayyorgarlik ko'rayotgan bo'lardi.

Agar bizda to'plar nisbati yaxshi bo'lganida Suriya bilan bir xil ochko to'plagan taqdirda ham ulardan yuqorida bo'lardik. Agar Omar Al Soma 90+3-daqiqada Eron darvozasiga to'p kiritmaganida pley-offga biz yo'l olardik.

Agar uyda Janubiy Koreyani mag'lub etganimizda jahon chempionatiga chiqqan bo'lardik. Agar uchinchi o'rinni olganimizda bugun Avstraliyaga qarshi o'ynardik. Agar Avstraliya Toshkentda kelganida "Bunyodkor" stadioni liq to'lardi. Xullas, agar, agar, agar...

Bugun "Bunyodkor" stadioni liq to'lishi mumkin edi, agar...