Қалбларни тирнаш ниятимиз йўғ-у, лекин бугун шу сўзни яна ишлатмасак бўлмайди. Агар ЖЧ-2018 саралаш босқичида учинчи ўринни олганимизда бугун Австралия Малайзияда эмас, Тошкентда навбатдаги ўйинга тайёргарлик кўраётган бўларди.

Агар бизда тўплар нисбати яхши бўлганида Сурия билан бир хил очко тўплаган тақдирда ҳам улардан юқорида бўлардик. Агар Омар Ал Сома 90+3-дақиқада Эрон дарвозасига тўп киритмаганида плей-оффга биз йўл олардик.

Агар уйда Жанубий Кореяни мағлуб этганимизда жаҳон чемпионатига чиққан бўлардик. Агар учинчи ўринни олганимизда бугун Австралияга қарши ўйнардик. Агар Австралия Тошкентда келганида "Бунёдкор" стадиони лиқ тўларди. Хуллас, агар, агар, агар...

Бугун "Бунёдкор" стадиони лиқ тўлиши мумкин эди, агар...