Turnir jadvalida 12-o'rinni egallab turgan "Andijon" o'z maydonida "Metallurg"ni qabul qiladi. "Metallurg" hozircha 7 ochko bilan ettinchi o'rinda boryapti. Bu jamoa avvalgi tur safarda "Lokomotiv"ni 3:0 hisobida mag'lub etib, ancha shov-shuvga sababchi bo'ldi.

"Metallurg" shu paytgacha safarda uchta o'yin o'tkazib, uch xil natija qayd etdi. AGMK bilan durang o'ynagan jamoa, "Paxtakor"ga imkoniyatni boy berdi va "Loko" ustidan g'alaba qozondi.

"Andijon"ga kelsak, Viktor Kumikov shogirdlari hali g'alaba nashidasini surishgani yo'q. "Burgutlar" mavsumni ikkita mag'lubiyat bilan boshlab, so'ngra ikki bor durang qayd etishdi. Bugungi o'yin anjdijonliklar uchun uydagi to'rtinchi bellashuv bo'ladi va jamoa ilk bor uch ochkoli bo'lishga urinib ko'radi.

"Metallurg" haqida nima deyish mumkin? Andrey Shipilov jamoasi futbol o'ynashni biladi va ko'p jamoalarga boshog'riq bo'lib kelmoqda. Bu tomonlama bugun maydon egalariga oson bo'lmasligi aniq. Lekin o'z navbatida "Andijon"ga ham g'alaba suv va havodek zarur.

P.S. Soat 19:00da boshlanadigan o'yinni "Mahalla" telekanali orqali to'g'ridan to'g'ri kuzatib boring.

Bugun futbol. "Andijon" - "Metallurg"