«Андижон» (Андижон) – «Металлург» (Бекобод)
16 октябрь 2015. Андижон. "Соғлом Авлод" стадиони. 16:00
Ҳакамлар: Ш. Қосимов (Тошкент), Д. Сайлалов (Тошкент), А. Сидоров (Тошкент), А. Рубаков (Тошкент)
Назоратчи: Р. Айтеков (Тошкент).

“Андижон” ва “Металлург”олий лигада жами 31 бора тўқнаш келган. Кичик устунлик “Металлург” томонида. 13та ўйинда бекободликларнинг қўли баланд келган. 10та ўйинда “бургутлар” ғолиб бўлишган. Яна 8та ўйинда дуранг натижаси қайд этилган. Тўплар нисбатида ҳам кичик устунлик “Металлург” томонида 56:49. “Металлург” ўзаро ўйнларда 47, “Андижон” эса 38 очкони ўз ҳисобига ёзиб қўйган.

“Металлург”нинг “Андижон” устидан қозонган энг йирик ғалабаси –5:1. Андижонликларнинг бу кўрсаткичи эса 4:1 бўлиб турибди.

10-турда Бекободда ўтган баҳсда мезбонлар йирик ҳисобда зафар қучишган. Мурод Тошматов ва Шаҳзодбек Нурматов дублга эришишганди. Саиджон Абдужабборов бир марта меҳмонлар дарвозасига тўп киритганди. “Бургутлар” сафида Лочин Солиев пенальтидан бир марта жавоб берганди – 5:1.

Андижонда ўтган сўнгги беш учрашув:
17.10.2014 «Андижон» - «Металлург» 2:2
21.11.2012 «Андижон» - «Металлург» 3:3
16.04.2011 «Андижон» - «Металлург» 0:1
17.04.2010 «Андижон» - «Металлург» 2:1
16.10.2009 «Андижон» - «Металлург» 2:2

Ўзаро ўйинлар ҳақида факт: “Андижон” ўз уйида 9 марта муваффақият қозонган. Водийда 5 бор дуранг қайд этилган. “Металлург” бу рақиб майдонидан фақат бир бор ғалаба билан қайтган (2011 йил). Охирги уч учрашувда “бургутлар” ўз майдонида “Металлург”ни мағлуб эта олмаяпти.

Превью. "Андижон" - "Металлург"