METALLURG – ANDIJON
1 iyun. Bekobod. "Metallurg" stadioni. 17:30.
Hakamlar: A.Asimov, O.Abduvasilov, N.Ro'zimov, A.Rubakov
Nazoratchi: I.Sharipov.

“Metallurg” va “Andijon” oliy ligada jami 28 bora to'qnash kelgan. Kichik ustunlik “Metallurg” tomonida. 11ta o'yinda bekobodliklarning qo'li baland kelgan. 10ta o'yinda “burgutlar” g'olib bo'lishgan. Yana 7ta o'yinda durang natijasi qayd etilgan. To'plar nisbatida ham kichik ustunlik “Metallurg” tomonida 46:44. “Metallurg” o'zaro o'ynlarda 40 ochkoni, “Andijon” esa 37 o'z hisobiga yozib qo'ygan.

“Metallurg”ning “Andijon” ustidan qozongan eng yirik g'alabasi – 4:1. Qizig'i andijonliklarning bu ko'rsatkichi ham 4:1 bo'lib turibdi.

O'tgan mavsumda “burgutlar” birinchi ligada o'ynagan. Shu bois bu jamoalar o'rtasidagi so'nggi bahslar 2012 yilda bo'lib o'tgna. O'sha yilgi o'yinlarning birinchisi Bekobodda bo'lib o'tgan. Hikmat Hoshimov o'z darvozasiga to'p kiritib qo'yib hisobni ochgan. Zohid Abdullaev esa mehmonlar darovzasiga to'p kiritgan – 1:1. Vodiydagi bahsda muxlislar 7ta gol guvohiga aylanishgan. “Burgutlar” safida Otabek Valijonov, Lochin Soliev, Ildar Mamatkazin va Akmal Jo'raboev o'zlarini ko'rsatishgan. Bekobod klubi tarkibida Shaxzodbek Nurmatov (ikkita) va Hikmat Hoshimov gol urishgan - 4:3.

Bekobodda o'tgan so'nggi besh uchrashuv:
17.03.2012 Metallurg - Andijon 1:1
24.09.2011 Metallurg - Andijon 4:1
02.10.2010 Metallurg - Andijon 2:1
11.04.2009 Metallurg - Andijon 2:2
23.11.2008 Metallurg - Andijon 1:0

O'zaro o'yinlar haqida fakt: “Metallurg” o'z uyida 10 marta muvaffaqiyat qozongan. Bekobodda 2 bor durang qayd etilgan. “Andijon” bu raqib maydonidan faqat bir bor g'alaba bilan qaytgan (2007 yil). Oxirgi besh uchrashuvda “Metallurg” o'z maydonida “burgutlar”ga mag'lub bo'lmagan.

Prevyu. "Metallurg" - "Andijon"