Bugun Muborakda "Mashal" va "Lokomotiv" jamoalari o'rtasida Superliganing 7-tur uchrashuvi bo'lib o'tadi. Turnir jadvalida "Mashal" oltita o'yindan so'ng 6 ochko jamg'argan holda 11-o'rinni egallab turibdi. To'plar nisbati 5-10. Muborakliklar shu paytgacha bir bor g'alaba qozonib, ikkita o'yinda durang o'ynashgan va 3 marta mag'lub bo'lishdi.

"Lokomotiv" esa o'tgan 6 turda 8 ochko to'plab 7-o'rinda boryapti. "Temiryo'lchilar" hisobida ikkitadan o'yinda g'alaba, mag'lubiyat va durang bor. To'plar nisbati 8-8.

"Lokomotiv" bu yilgi chempionatning dastlabki ikki turida mag'lubiyatga uchradi. So'ngra ikki bor durang o'ynab, oxirgi ikki uchrashuvda g'alaba qozondi. "Temiryo'lchilar" safarda "Surxon"ni va uyda "Bunyodkor"ni mag'lub etishdi.

"Mashal" ham mavsumni ikkita mag'lubiyat bilan boshlab, 3-turni o'z maydonida o'tkazdi va "Metallurg" 2:1 hisobida mag'lub etildi. Keyingi uch turda muborakliklar o'z hisoblariga ikki durang va bir mag'lubiyat yozib qo'yishdi. "Mashal" hozircha o'z maydonida ikkita bellashuvda maydonga tushgan.

7-tur. 05.05.2021

MASH'AL - LOKOMOTIV

Bosh hakam: Rustam Lutfullin

Qanot hakamlari: Husniddin Shodmonov, Aleksandr Burov.

Zaxira hakami: To'rabek Suyunov

Nazoratchi: Timur Abdullaev

Komissar: Shohruh Said

O'yinning boshlanish vaqti 17:00

"Dunyo bo'ylab" kanalida LIVE

Bugun futbol. "Mashal" - "Lokomotiv"