Бугун Муборакда "Машъал" ва "Локомотив" жамоалари ўртасида Суперлиганинг 7-тур учрашуви бўлиб ўтади. Турнир жадвалида "Машъал" олтита ўйиндан сўнг 6 очко жамғарган ҳолда 11-ўринни эгаллаб турибди. Тўплар нисбати 5-10. Муборакликлар шу пайтгача бир бор ғалаба қозониб, иккита ўйинда дуранг ўйнашган ва 3 марта мағлуб бўлишди.

"Локомотив" эса ўтган 6 турда 8 очко тўплаб 7-ўринда боряпти. "Темирйўлчилар" ҳисобида иккитадан ўйинда ғалаба, мағлубият ва дуранг бор. Тўплар нисбати 8-8.

"Локомотив" бу йилги чемпионатнинг дастлабки икки турида мағлубиятга учради. Сўнгра икки бор дуранг ўйнаб, охирги икки учрашувда ғалаба қозонди. "Темирйўлчилар" сафарда "Сурхон"ни ва уйда "Бунёдкор"ни мағлуб этишди.

"Машъал" ҳам мавсумни иккита мағлубият билан бошлаб, 3-турни ўз майдонида ўтказди ва "Металлург" 2:1 ҳисобида мағлуб этилди. Кейинги уч турда муборакликлар ўз ҳисобларига икки дуранг ва бир мағлубият ёзиб қўйишди. "Машъал" ҳозирча ўз майдонида иккита беллашувда майдонга тушган.

7-тур. 05.05.2021

МАШЪАЛ - ЛОКОМОТИВ

Бош ҳакам: Рустам Лутфуллин

Қанот ҳакамлари: Ҳусниддин Шодмонов, Александр Буров.

Захира ҳаками: Тўрабек Суюнов

Назоратчи: Тимур Абдуллаев

Комиссар: Шоҳруҳ Саид

Ўйиннинг бошланиш вақти 17:00

"Дунё бўйлаб" каналида LIVE

Бугун футбол. "Машъал" - "Локомотив"