19:00 - Paxtakor (Toshkent) – So'g'diyona (Jizzax)
Hakamlar: V. Agishev (Toshkent), X. Shodmonov (Buxoro), A. Burov (Buxoro), R. Abduvohidov (Qarshi).
Nazoratchi: I. Sharipov (Buxoro).
O'zPFL vakili: G. Rtveladze.

O'yindan nima kutyapmiz? Ikkala jamoa ham turnir jadvalida ketma-ket o'rinlarni egallab turibdi. "Paxtakor" hisobida 15 ochko bor va 9-o'rinda ketyapti. "So'g'diyona" esa 14 ochko bilan 10-o'rinda bormoqda. Albatta, bugun "Paxtakor" o'z maydonida o'ynaydi va tabiiyki imkoniyat borasida ko'proq foizga ega. Xo'sh, "So'g'diyona" safarda "Paxtakor" bilan qanday o'ynaydi, poytaxt klubiga jiddiy qarshilik ko'rsata oladimi? Buni albatta o'yin davomida bilib olamiz.

Fakt: "Paxtakor" o'z maydonidagi 6ta o'yinning to'rttasini g'alaba bilan yakunladi. Ikki bor mag'lubiyatga uchragan bo'lsa, hali durang o'ynamagan. To'plar nisbati 8-5. "Paxtakor" uy o'yinlarida 12 ochkoni qo'lga kiritgan.

Bilasizmi? "Paxtakor" qatorasiga to'rtta o'yindan beri mag'lub bo'lmayapti. Jamoa ikki bor g'alaba qozonib, ikki marta durang o'ynadi.

Fakt: Bugun "So'g'diyona" safarda ettinchi o'yinini o'tkazadi. Jizzaxliklar avvalgi bahslarning ikkitasida durang o'ynab, 4 marta mag'lub bo'lishgan. To'plar nisbati 4-14.

Bilasizmi? "So'g'diyona" safarda hali g'alaba qozonmagan. Jamoa atigi ikki marta ("Qizilqum", "Dinamo" bilan o'yinlarda) durang qayd etgan xolos.

Bugun futbol. "Paxtakor" - "So'g'diyona"