19:00 - «Пахтакор» (Тошкент) – «Сўғдиёна» (Жиззах)
Ҳакамлар: В. Агишев (Тошкент), Х. Шодмонов (Бухоро), А. Буров (Бухоро), Р. Абдувоҳидов (Қарши).
Назоратчи: И. Шарипов (Бухоро).
ЎзПФЛ вакили: Г. Ртвеладзе.

Ўйиндан нима кутяпмиз? Иккала жамоа ҳам турнир жадвалида кетма-кет ўринларни эгаллаб турибди. "Пахтакор" ҳисобида 15 очко бор ва 9-ўринда кетяпти. "Сўғдиёна" эса 14 очко билан 10-ўринда бормоқда. Албатта, бугун "Пахтакор" ўз майдонида ўйнайди ва табиийки имконият борасида кўпроқ фоизга эга. Хўш, "Сўғдиёна" сафарда "Пахтакор" билан қандай ўйнайди, пойтахт клубига жиддий қаршилик кўрсата оладими? Буни албатта ўйин давомида билиб оламиз.

Факт: "Пахтакор" ўз майдонидаги 6та ўйиннинг тўрттасини ғалаба билан якунлади. Икки бор мағлубиятга учраган бўлса, ҳали дуранг ўйнамаган. Тўплар нисбати 8-5. "Пахтакор" уй ўйинларида 12 очкони қўлга киритган.

Биласизми? "Пахтакор" қаторасига тўртта ўйиндан бери мағлуб бўлмаяпти. Жамоа икки бор ғалаба қозониб, икки марта дуранг ўйнади.

Факт: Бугун "Сўғдиёна" сафарда еттинчи ўйинини ўтказади. Жиззахликлар аввалги баҳсларнинг иккитасида дуранг ўйнаб, 4 марта мағлуб бўлишган. Тўплар нисбати 4-14.

Биласизми? "Сўғдиёна" сафарда ҳали ғалаба қозонмаган. Жамоа атиги икки марта ("Қизилқум", "Динамо" билан ўйинларда) дуранг қайд этган холос.

Бугун футбол. "Пахтакор" - "Сўғдиёна"