Malumki, JCH-2018 saralash o'yinlariga tayyorgarlik ko'rayotgan O'zbekiston milliy terma jamoasiga uch va undan ko'p futbolchi chaqirilgani tufayli "Lokomotiv", "Nasaf" va "Paxtakor" ishtirokidagi bahslar nomalum muddatga qoldirilgan.

Bugun G'uzorda "Sho'rtan" - "Metallurg" qarama-qarshiligi bo'lib o'tadi. Hozircha "Sho'rtan" ikkinchi davrada bir durang va bir g'alaba bilan to'rt ochko to'pladi. Jamoa hisobida jami 19 ochko mavjud va turnir jadvalida 13-o'rinni egallab turibdi.

"Metallurg" esa 23 ochko bilan 11-o'rinda bormoqda. Ikkinchi davrani Samrqandda g'alaba bilan boshlagan "Metallurg" shundan so'ng ketma-ket ikki o'yinni boy berdi. Bekobodliklar "Mashal" va "Lokomotiv"ga mag'lub bo'lishdi.

Bugun G'uzorda qiziqarli bahs kechishi kutilmoqda. Sababi ikkala jamoaga ham uch ochko zarur. "Sho'rtan" safarda yo'qotilgan ochkolarni bugun uyda olishga harakat qiladi. O'z navbatida "Metallurg" ham ikkita mag'lubiyat alamini "Sho'rtan"dan olishga urinib ko'radi. Eslatib o'tamiz, Bekobod shahrida bo'lib o'tgan birinchi davra o'yinida mezbonlar 4:2 hisobida zafar quchishgan.

Bugun futbol. "Sho'rtan" - "Metallurg"