Olmaliq shahridagi Markaziy stadionda bo'lib o'tadigan "Surxon" - "Neftchi" uchrashuvi soat 19:00da boshlanadi.

Turnir jadvalida "Surxon" 12 ochko bilan 10-o'rinda boryapti. To'plar nisbati 11-15. "Neftchi" esa 10 ochko to'plagan holda 13-pog'onani egallab turibdi. To'plar nisbati 9-15.

Oxirgi uch o'yindan ikkitasida g'alaba qozongan "Surxon"ning kayfiyati joyida. Anxel Lopes shogirdlari "Bunyodkor" va "Dinamo"dan ustun kelib, ancha o'zlariga kelib olishdi.

"Neftchi" esa 10-turda "Metallurg"ni 3:0 hisobida mag'lub etganidan so'ng keyingi ikki turni kuchli jamoalarga qarshi o'tkazib, AGMKga 1:3 hisobida imkoniyatni boy berdi va "Nasaf" bilan 1:1 o'ynadi.

Bilasizmi? "Neftchi" shu paytgacha safarda 5ta o'yin o'tkazib, ikki durang va uch mag'lubiyat qayd etgan. Jamoa bugun mehmondagi ilk g'alabasini qo'lga kiritadimi? Buni albatta vaqt ko'rsatadi.

Bugun futbol. "Surxon" - "Neftchi"