So'nggi yillarni hisobga oladigan bo'lsak, bunday futbolchilar to'rt nafarni tashkil qiladi. Qayta oyoqqa turayotgan "rossoneri" loyihasi yana kuchli futbolchilarni qiziqtira boshladi. Natijada, klub qator futbolchilarni o'z tarkibiga jalb qila oldi va ular keyinroq yulduzga aylandi. Misol uchun Teo Ernandes va Rafael Leaoni jahon darajasidagi futbolchi desak, mubolag'a bo'lmasa kerak.

"Milan" "Chelsi"da omadi chopmagan to'rt nafar futbolchiga faoliyatini qayta "jonlantirish" uchun imkon berdi. Ularning oxirgisi Fikayo Tomori. Angliyalik markaziy himoyachi turli klublarda ijaralarda ishonchli o'yin ko'rsatganiga qaramay, "ko'klar" tarkibida bor yo'g'i 27 uchrashuvda maydonga tushdi.

Biroq A Seriyaga ko'chib o'tgach, u liganing eng yaxshi markaziy himoyachilaridan biriga aylandi. "Chelsi"dan ketib, "Milan"da qayta ochilgan Olive Jiru bo'ldi. Franciyalik "aristokratlar" safidagi oxirgi mavsumida Premer-ligada bor yo'g'i to'rtta gol urishni uddaladi. Italiyaga ko'chib o'tgach, "rossoneri" safidagi 123 uchrashuvda 47 ta gol urdi. Uchinchi o'rinda - Ruben Loftus-Chik. "Chelsi"da porlashi taxmin qilingan, ammo muqim o'rin topa olmagan futbolchi Italiyadagi ilk mavsumidayoq 35 o'yinda 10 ta gol urdi.

Bu ro'yxatning yana bir vakili Kristian Pulishich. Amerikalik vinger oxirgi sakkiz oy ichida 41 bahsda 21 ta gol urdi.

"Chelsi"da ishingiz qovushmadimi, unda "Milan"ga yo'l oling