2025/26 йилги мавсумдан бошлаб УEФАнинг ҳаражатларни назорат қилиш қоидасига кўра, клубларнинг футболчилар ва мураббийлар штаби маошлари, трансферлар ва агентлик тўловлари учун ҳаражатлари йиллик даромаднинг 70 фоизидан ошмайди. Бу мавсумда лимит 90%, кейинги мавсумда эса 80% гача тушади.

Ҳозирча жорий мавсум Чемпионлар лигасида иштирок этаётган клубларнинг учдан бир қисми даромади 70 фоизлик чегарадан ошиб кетмоқда. Улар 2025/26 йилги мавсум бошланишидан олдин вазиятни тўғирлашлари керак.

Мисол учун, "Атлетико" клуб даромади йилига 377 миллион евро даражасида қолса, келаси мавсумда маош ҳаражатларини 320 дан 301 миллион еврога, 2025/26 йилги мавсумда эса 264 миллион еврогача камайтириши керак.

Лимитдан ошиб кетиш хавфи бор клублар қаторига “Реал Соседад”, “Лацио”, “Наполи”, “Ланс” ва ПСЖ каби жамоалар киритилган. Шунингдек, ҳозирда ушбу стандартга жавоб берадиган ягона АПЛ жамоаси "Арсенал" эканлиги қайд этилган.

Чемпионлар лигаси клубларининг тахминан учдан бир қисми 2025/26 йилги мавсумдан бошлаб кучга кирадиган йиллик даромад лимитига мос эмас