"Lokomotiv" va "Nasaf" o'rtasidagi bahs soat 18:30da "Jar" stadionida boshlanadi. "Andijon" va "Paxtakor" o'rtasidagi o'yin esa o'tkazilmasligi deyarli aniq. Bunga "Andijon"ning o'yinga kelmasligi sabab bo'lishi kutilmoqda. Hozircha bu borada rasmiy xabar berilgani yo'q.

Coca Cola Superliga. 13-tur
LOKOMOTIV – NASAF
27 avgust 2020 yil. Toshkent. "Jar" stadioni. 18:30
Hakamlar: Rustam Lutfullin, Timur Galeev, Daler Tilloev, Abdurashid Xudoyberganov
Nazoratchi: Bobur Haydarov
Komissar: Jahongir Rahmatullaev

Ketma-ket 4 turdan buyon mag'lub bo'layotgan "Lokomotiv" ikkita uchrashuvdan beri yuta olmayotgan "Nasaf" bilan o'ynaydi.

Bu ikki klub O'zbekiston chempionatida o'zaro 30ta o'yin o'tkazishgan. 14 marta "ajdarlar" g'olib bo'lishgan, 11 bor "temiryo'lchilar" zafar quchishgan. 5 marta durang qayd etilgan. "Nasaf" 40ta, "Lokomotiv" 33ta gol urishga erishgan.

O'zaro o'tgan oxirgi 3ta o'yinning barchasida "Lokomotiv" g'olib bo'lgan. So'nggi bor "Nasaf" 2018 yilgi mavsumda bu jamoani mag'lub etgan. Agar faqat "Lokomotiv" mezbonligi ostida o'tgan bahslarga etibor qilsak "Nasaf" oxirgi marta 2012 yilda bu raqibni safarda taslim qilgan, shundan keyin 7ta uchrashuvda "ajdarlar" safarda "temiryo'lchilar"dan ustun kela olishmagan.

ANDIJON – PAXTAKOR
27 avgust 2020 yil. Toshkent. "Lokomotiv" stadioni. 19:00
Hakamlar: Rahim Karimov, Rasul Fozilov, Maksim Nexochin, Sanjar Nazarov
Nazoratchi: Dmitriy Roman
Komissar: Zohirjon Akramxonov

Coca Cola Superliga. Bugun "Lokomotiv" - "Nasaf" uchrashuvi bo'ladi. "Andijon" - "Paxtakor" o'yini so'roq ostida