"Локомотив" ва "Насаф" ўртасидаги баҳс соат 18:30да "Жар" стадионида бошланади. "Андижон" ва "Пахтакор" ўртасидаги ўйин эса ўтказилмаслиги деярли аниқ. Бунга "Андижон"нинг ўйинга келмаслиги сабаб бўлиши кутилмоқда. Ҳозирча бу борада расмий хабар берилгани йўқ.

Coca Cola Суперлига. 13-тур
ЛОКОМОТИВ – НАСАФ
27 август 2020 йил. Тошкент. "Жар" стадиони. 18:30
Ҳакамлар: Рустам Лутфуллин, Тимур Галеев, Далер Тиллоев, Абдурашид Худойберганов
Назоратчи: Бобур Ҳайдаров
Комиссар: Жаҳонгир Раҳматуллаев

Кетма-кет 4 турдан буён мағлуб бўлаётган "Локомотив" иккита учрашувдан бери юта олмаётган "Насаф" билан ўйнайди.

Бу икки клуб Ўзбекистон чемпионатида ўзаро 30та ўйин ўтказишган. 14 марта "аждарлар" ғолиб бўлишган, 11 бор "темирйўлчилар" зафар қучишган. 5 марта дуранг қайд этилган. "Насаф" 40та, "Локомотив" 33та гол уришга эришган.

Ўзаро ўтган охирги 3та ўйиннинг барчасида "Локомотив" ғолиб бўлган. Сўнгги бор "Насаф" 2018 йилги мавсумда бу жамоани мағлуб этган. Агар фақат "Локомотив" мезбонлиги остида ўтган баҳсларга эътибор қилсак "Насаф" охирги марта 2012 йилда бу рақибни сафарда таслим қилган, шундан кейин 7та учрашувда "аждарлар" сафарда "темирйўлчилар"дан устун кела олишмаган.

АНДИЖОН – ПАХТАКОР
27 август 2020 йил. Тошкент. "Локомотив" стадиони. 19:00
Ҳакамлар: Раҳим Каримов, Расул Фозилов, Максим Нехочин, Санжар Назаров
Назоратчи: Дмитрий Роман
Комиссар: Зоҳиржон Акрамхонов

Coca Cola Суперлига. Бугун "Локомотив" - "Насаф" учрашуви бўлади. "Андижон" - "Пахтакор" ўйини сўроқ остида