2 noyabr, dushanba
MASH'AL – LOKOMOTIV
2 noyabr 2020 yil. Muborak. Bahrom Vafoev nomidagi stadion. 16:00
Hakamlar: Elyor Tursunov, Shohruh Azamov, Shohnur Yo'ldoshev, Shuxrat Rajabov
Nazoratchi: Oleg Dachev
Komissar: Bekzod Aripov

Bu jamoalar hozirga qadar O'zbekiston chempionatida o'zaro 25 marta to'qnash kelishgan. "Lokomotiv" 13 bor, "Mashal" 10 bor g'olib bo'lgan. Qolgan ikki uchrashuvda durang kuzatilgan. O'zaro o'yinlarda "Lokomotiv" 33ta, "Mashal" 28ta gol urgan.

"Mashal" o'z maydonida bu jamoaga qarshi kechgan oxirgi 5ta o'yinning barchasida yutqazgan. So'nggi bor Muborak klubi o'z uyida "Lokomotiv"ni bundan 10 yil oldin, 2010 yilda mag'lub etgan.

Birinchi davrada Toshkentda o'tgan bahsda "Mashal" 1:0 hisobida g'alabaga erishgan edi.

BUNYODKOR – BUXORO
2 noyabr 2020 yil. Toshkent. "Paxtakor" stadioni. 17:00
Hakamlar: Rahimbek Karimov, Timur Galeev, Oybek Kalaxo'jaev, Davronbek Akmalov
Nazoratchi: Sardor Najafaliev
Komissar: Zoxirjon Akramxonov

Bu uchrashuv "Paxtakor" stadionida bo'lib o'tadi. Mazkur klublar bugunga qadar o'zaro 27ta o'yin o'tkazishgan. Katta ustunlik "qaldirg'ochlar" tomonida. "Bunyodkor" 19 bor g'alabaga erishgan, "Buxoro" hisobida bitta g'alaba bor. Yana 7ta uchrashuvda durang qayd etilgan.

"Buxoro" o'z tarixida hech qachon "Bunyodkor" maydonidan g'alaba bilan qayta olmagan. "Bunyodkor" mezbon bo'lgan 13ta o'yinning 12tasida maydon egalari g'olib bo'lishgan va bitta uchrashuvda durang qayd etilgan.

Dastlabki davrada "Buxoro" mezbon bo'lgan bahsda 1:1 hisobi qayd etilgandi.

QIZILQUM – NAVBAHOR
2 noyabr 2020 yil. Navoiy. "Yoshlik" stadioni. 18:00
Hakamlar: Asker Najafaliev, Abduhamidullo Rasulov, Aleksandr Sidorov, Ilya Ilin
Nazoratchi: Marat Ismoilov
Komissar: Zohid Akramov

Bu jamoalar O'zbekiston chempionati doirasida 41 marta o'zaro o'yin o'tkazishgan. "Navbahor" 16ta, "Qizilqum" 14ta bahsda g'olib bo'lgan. 11 marta tomonlar murosa ko'chasini tanlashgan. "Navbahor" o'zaro o'yinlarda 53ta gol urgan va 45ta gol o'tkazib yuborgan.

"Qizilqum" maydonida o'tgan 20ta o'yinda "Navbahor" 5 marta g'alabaga erishgan. Navoiyda o'tgan oxirgi 6ta o'yinning beshtasida "Qizilqum" zafar quchgan.

Birinchi davrada Namanganda kechgan uchrashuvda "Navbahor" 1:0 hisobida g'olib bo'lgandi.

Coca Cola Superliga. "Lokomotiv" Muborakda, "Navbahor" Navoiyda mehmon, "Bunyodkor" "Buxoro"ga qarshi