2 ноябрь, душанба
МАШЪАЛ – ЛОКОМОТИВ
2 ноябрь 2020 йил. Муборак. Баҳром Вафоев номидаги стадион. 16:00
Ҳакамлар: Элёр Турсунов, Шоҳруҳ Аъзамов, Шоҳнур Йўлдошев, Шухрат Ражабов
Назоратчи: Олег Дачев
Комиссар: Бекзод Арипов

Бу жамоалар ҳозирга қадар Ўзбекистон чемпионатида ўзаро 25 марта тўқнаш келишган. "Локомотив" 13 бор, "Машъал" 10 бор ғолиб бўлган. Қолган икки учрашувда дуранг кузатилган. Ўзаро ўйинларда "Локомотив" 33та, "Машъал" 28та гол урган.

"Машъал" ўз майдонида бу жамоага қарши кечган охирги 5та ўйиннинг барчасида ютқазган. Сўнгги бор Муборак клуби ўз уйида "Локомотив"ни бундан 10 йил олдин, 2010 йилда мағлуб этган.

Биринчи даврада Тошкентда ўтган баҳсда "Машъал" 1:0 ҳисобида ғалабага эришган эди.

БУНЁДКОР – БУХОРО
2 ноябрь 2020 йил. Тошкент. "Пахтакор" стадиони. 17:00
Ҳакамлар: Раҳимбек Каримов, Тимур Галеев, Ойбек Калахўжаев, Давронбек Акмалов
Назоратчи: Сардор Нажафалиев
Комиссар: Зохиржон Акрамхонов

Бу учрашув "Пахтакор" стадионида бўлиб ўтади. Мазкур клублар бугунга қадар ўзаро 27та ўйин ўтказишган. Катта устунлик "қалдирғочлар" томонида. "Бунёдкор" 19 бор ғалабага эришган, "Бухоро" ҳисобида битта ғалаба бор. Яна 7та учрашувда дуранг қайд этилган.

"Бухоро" ўз тарихида ҳеч қачон "Бунёдкор" майдонидан ғалаба билан қайта олмаган. "Бунёдкор" мезбон бўлган 13та ўйиннинг 12тасида майдон эгалари ғолиб бўлишган ва битта учрашувда дуранг қайд этилган.

Дастлабки даврада "Бухоро" мезбон бўлган баҳсда 1:1 ҳисоби қайд этилганди.

ҚИЗИЛҚУМ – НАВБАҲОР
2 ноябрь 2020 йил. Навоий. "Ёшлик" стадиони. 18:00
Ҳакамлар: Аскер Нажафалиев, Абдуҳамидулло Расулов, Александр Сидоров, Илья Илин
Назоратчи: Марат Исмоилов
Комиссар: Зоҳид Акрамов

Бу жамоалар Ўзбекистон чемпионати доирасида 41 марта ўзаро ўйин ўтказишган. "Навбаҳор" 16та, "Қизилқум" 14та баҳсда ғолиб бўлган. 11 марта томонлар муроса кўчасини танлашган. "Навбаҳор" ўзаро ўйинларда 53та гол урган ва 45та гол ўтказиб юборган.

"Қизилқум" майдонида ўтган 20та ўйинда "Навбаҳор" 5 марта ғалабага эришган. Навоийда ўтган охирги 6та ўйиннинг бештасида "Қизилқум" зафар қучган.

Биринчи даврада Наманганда кечган учрашувда "Навбаҳор" 1:0 ҳисобида ғолиб бўлганди.

Coca Cola Суперлига. "Локомотив" Муборакда, "Навбаҳор" Навоийда меҳмон, "Бунёдкор" "Бухоро"га қарши