Yodingizda bo'lsa, 6 sentyabr kuni mazkur turning 6 o'yini VAR tizimi ishlashi haqida xabar berilgandi. 1 kundan keyin esa davlat tadbirlari bilan bog'liq sabablar tufayli rejada o'zgarish bo'lishi aytildi. Nihoyat, bugun "Qizilqum" - "Olimpik" hamda "So'g'diyona" - "Navbahor" bahslarida VAR ishlashi malum qilindi.

Holat yuzasidan O'zFHM matbuot xizmatidan izoh so'radik. M. Sarimsoqovning takidlashicha, 18-tur bahslarining hech biriga davlat tadbirlari tufayli KTS yuborilmaydi. Navoiy va Jizzaxdagi o'yinlarda esa markaz tomonidan shunday holatlar uchun xarid qilingan yangi texnologiya ishlaydi.

Uning yagona kamchiligi VAR tomonidan o'rganiladigan vaziyatlar (ofsayd chizig'i, gol hisobga olish yoki olmaslik, penalti yoki qizil kartochka bilan bog'liq holatlar)ni teletranslyaciyaga chiqarib bera olmasligi mumkin. Boshqa hech qanday muammo yo'qligi aytildi. Yani, o'yin vaqtida bosh hakam va VAR hakami o'rtasida muloqot bo'ladi, vaziyatlar muammosiz ko'rib chiqiladi. Faqatgina, yuqorida qayd etilganidek, VAR tomonidan o'rganilayotgan jarayon teleekranlarda ko'rinmasligi mumkin.

Malumot o'rnida 17-tur doirasidagi "Navbahor" - "Paxtakor" o'yinida ham aynan shu qurilmadan foydalanilgan.

Coca Cola Superliga. Faqat Navoiy va Jizzaxda VARdan foydalaniladi