Coca Cola Суперлигаси

5-тур

"Андижон" – "Нефтчи" 0:2

8 апрель. Фарғона. "Истиқлол" стадиони. 18:00

Ҳакамлар: Аскер Нажафалиев, Ришат Нугманов, Руслан Серазитдинов, Ғайрат Жўраев

VAR ҳаками: Аҳрол Рисқуллаев

AVAR: Максим Нехочин

Назоратчи: Александр Попов

Комиссар: Диёр Хотамқулов

Гол: 0:1 — 9, Диёржон Туропов (Мирзоҳид Ғофуров), 0:2 — 20, Нурилло Тўхтасинов (Тома Табатадзе).

"Андижон": 72.Игорь Литовка, 5.Абдувоҳид Ғуломов, 7.Бобур Фарҳодов (22.Шаҳбоз Эркинов, 63), 8.Фарҳод Бекмуротов (9.Леван Арвеладзе, 71), 10.Илҳом Абдуғаниев (23.Шерзод Эсанов, 79), 13.Сардорбек Азимов, 15.Владимир Бубанья, 17.Фарҳод Соҳибжонов, 21.Ильдар Маматказин (с), 26.Муҳаммадкарим Тоиров, 91.Ахтам Назаров (14.Абдураҳмон Комилов, 71)

Захира: 12.Моҳир Комилов, 4.Дилшод Комилов, 11.Сардор Абдунабиев, 19.Суҳроб Бердиев, 99.Рубин Хебай

"Нефтчи": 45.Акбар Тўраев, 2.Зоир Жўрабоев (4.Андрей Мишченко, 50), 8.Нурилло Тўхтасинов, 9.Улуғбек Ҳошимов (28.Фозил Мусаев, 66), 19.Мирзоҳид Ғофуров, 21.Муҳсинжон Убайдуллаев, 22.Тома Табатадзе (11.Иззатилла Абдуллаев, 90), 23.Диёржон Туропов (5.Юрий Батюшин, 90), 24.Ғулом Ҳайдар Ғуломов, 26.Олексей Ларин, 70.Аббосжон Ғуломов (7.Умар Адҳамзода)

Захира: 12.Владимир Назаров, 17.Абдуллоҳ Олимов, 20.Анваржон Ғофуров, 35.Муродбек Бобожонов

Огоҳлантириш: Муҳсинжон Убайдуллаев (13), Фарҳод Бекмуродов (15), Нурилло Тўхтасинов (25), Тома Табатадзе (45), Фарҳод Соҳибжонов (46)

Четлатиш: Нурилло Тўхтасинов (65)

МАТНЛИ ТРАНСЛЯЦИЯ

ЯНГИЛАШ

УЧРАШУВ ЯКУНЛАНДИ!

90+7. Тўраевдан ажойиб сейв!

90+5. Ўзгаришлар: Диёржон Туропов Юрий Батюшин, Тома Табатадзе Иззатилла Абдуллаев, Умар Адҳамзода Аббосжон Ғуломов билан алмашди.

90+1. Соҳибжонов қулай вазиятни кўкка совурди.

90. Иккинчи бўлимга 6 дақиқа қўшиб берилди.

87. Мезбонларда яна бир стандарт юзага келди. Арвеладзе узатган иўпни Тўраев эгаллаб олди.

83. Ғуломовнинг жарима майдонига отиб берган тўпи қайтарилгач, мезбонлар яхши зарба бера олмади.

79. "Андижон"да ўзгариш: Илҳом Абдуғаниев ўрнига Шерзод Эсанов туширилди.

76. "Андижон" ҳужумларга нуқта қўйишда оқсамоқда.

71. "Андижон"да ўзгаришлар: Фарҳод Бекмуротов ўрнига Леван Арвеладзе, Ахтам Назаров ўрнига Абдураҳмон Комилов майдонга туширилди.

66. "Нефтчи"да ўзгариш: Улуғбек Ҳошимов ўрнига Фозил Мусаев майдонга туширилди.

65. Иккинчи сариқ карточка олган Нурилло Тўхтасинов майдондан четлатилди.

63. Мезбонларда ўзгариш: Бобур Фарҳодов ўрнига Шаҳбоз Эркинов майдонга туширилди.

62. Абдуғаниевнинг жаримадан йўллаган зарбасига бироз аниқлик етишмади.

59. Ғуломовнинг узоқ масофадан йўллаган зарбаси ноаниқ кўриниш олди.

58. Ахтам Назаров томонидан оширилган тўп шеригига аниқ етиб бормади.

50. "Нефтчи"да мажбурий ўзгариш: Зоир Жўрабоев ўрнига майдонга Андрий Мишшенко тушди.

46. Иккинчи бўлим бошланди.

Тайм якунланди. Танаффус.

45. Табатадзега сариқ карточка кўрсатилди. Таймга эса 2 дақиқа қўшиб берилди.

42. Тома Табатадзе рақиб футболчисининг хатосидан унумли фойдалана олмади.

41. Убайдуллаевга нисбатан қўполлик ишлатилди. Ҳакам футболчиларни тинчланишга чақирди.

37. Майдон марказида тўқнашув юзага келди. Стандартдан сўнг жарима майдонида ичида тўп "Нефтчи" футболчисининг қўлига теккандек кўринди, ҳакам эса ўйинни давом эттириш кераклигини кўрсатди.

34. Ларин стандартдан оширилган тўпга зарба йўллади, дарвозабон халақит бериши натижасида зарба кўнгилдагидек чиқмади.

33. Соҳибжонов тиббий ёрдамга муҳтож, ҳакам унинг ҳолидан хабар олди.

31. Абдуғаниевнинг олисдан йўллаган зарбасига аниқлик етишмади.

30. Мезбонларга нисбатан ўйин қоидаси бузилди. Бекмуротов амалга оширган стандарт натижаси самарасиз якунланди.

25. Акбар Тўраевдан ажойиб сейв! Стандарт натижасида мезбонлар ажойиб зарба йўллади, "Нефтчи" посбони тўпни қайтарди.

20. ГООООООЛЛЛЛЛЛЛЛЛ!!! Тома Табатадзенинг пасидан сўнг Нурилло Тўхтасинов ҳужумни чиройли тарзда якунлаб қўйди.

19. Мезбонлар томонидан йўлланган зарба ноаниқ кўриниш олди.

15. Фарҳод Бекмуродовга сариқ карточка кўрсатилди.

13. Муҳсинжон Убайдуллаев огоҳлантирилди.

9' ГОООООООООООООЛЛЛЛЛЛ!!! Мирзоҳид Ғофуровнинг узатмаси Туроповга келиб тушди, Диёр эса совуқонлик билан даврозага зарба бериб, ҳисобни очди — 0-1!

5' Ҳозирча жамоалар тўп билан майдон марказидан ҳаракат қилишмоқда, ҳужумга ўтишда эса сусткашликлар кузатилмоқда

Ўйин бошланибди, "Дунё бўйлаб" телеканалида эса бир акахон тўлқинланиб референдум ҳақида гапирмоқда.

Чироқ ёнибди.

Ўйин бошланиши бироз кечикаркан. Стадионда чироқ ўчиб қолибди.

2 дақиқадан сўнг ҳакам ҳуштаги чалиниши лозим. ТВда эса мириқиб реклама томоша қиляпмиз.

"Андижон" ва "Нефтчи" "Истиқлол" стадионида!

"Истиқлол" стадиони "Водий дербиси"ни қабул қилишга шай!

Учрашув 17:50 да бошланади.

Coca Cola Суперлигаси. "Нефтчи" "Андижон"ни мағлуб этиб. 1-ўринга қайтди