Coca Cola Superligasi

18-tur

"Neftchi" – "Andijon" 0:0

31 avgust. Farg'ona. "Istiqlol" stadioni. 19:00

Bosh hakam: Akobirxo'ja Shukurillaev

Qanot hakamlari: Sardor Nishonboev, Jasur Rustamov

Zaxira hakami: Sultonmurod Abdurahmonov

Nazoratchi: Igor Nechoxin

Komissar: Sherzod Rajabov

"Neftchi": 12.Vladimir Nazarov, 2.Zoir Jo'raboev, 7.Umar Adhamzoda (5.Tomislav Mrchela, 80), 8.Sharof Muhitdinov, 13.Lutfulla To'raev (s) (24.G'ulom Haydar Gulyamov, 59), 19.Mirzohid G'ofurov (70.Abbosjon G'ulomov, 59), 20.Anvarjon G'ofurov, 21.Muhsinjon Ubaydullaev, 22.Giorgi Nikabadze (9.Ulug'bek Hoshimov, 69), 23.Diyorjon Turopov, 40.Bachana Arabuli (11.Izzatilla Abdullaev, 80).

Zaxira: 45.Akbar To'raev, 26.Oleysey Larin, 28.Fozil Musaev, 77.Biloljon Toshmirzaev,

"Andijon": 72.Igor Litovka, 5.Abduvohid G'ulomov, 9.Levan Arveladze, 10.Ilhomjon Abdug'aniev (13.Sardorbek Azimov, 61), 17.Farhodjon Sohibjonov, 21.Ildar Mamatkazin (s), 26.Muhammadkarim Toirov (8.Farxodbek Bekmuratov, 80), 28.Islombek Mamatkazin, 66.Ilhomjon Alijonov (15.Vladimir Bubanya, 61), 94.Armin Boshnyak (14.Abdurahmon Komilov, 80), 99.Rubin Xebay.

Zaxira: 1.Eldor Adhamov, 7.Boburbek Farhodov, 11.Sardor Abdunabiev, 19.Suhrob Berdiev, 22.Shahboz Erkinov.

Ogohlantirishlar: Giorgi Nikabadze (65), Sardorbek Azimov (65).

MATNLI TRANSLYACIYA

YANGILASH

UCHRASHUV YAKUNLANDI!

90+4. "Andijon"da o'zgarish: G'ulomov o'rniga Erkinov maydonga tushdi.

90. Ikkinchi taymning asosiy vaqtiga 5 daqiqa qo'shildi.

87. "Andijon" himoyani mustahkam ushlab turibdi. So'nggi vaziyatda Abduvohid G'ulomov to'pni uzoqlashtirdi.

80. "Neftchi"da 2 ta almashtirish: Arabuli o'rniga Abdullaev, Adhamzoda o'rniga Mrchela o'yinga qo'shildi.

80. "Andijon"da 2 ta almashtirish: Toirov o'rniga Bekmuratov, Boshnyak o'rniga Komilov tushdi.

80. Arabuli yaqin masofadan gol urdi, biroq u ofsaydda turgani bois yon hakam bayroqchasini ko'tardi.

75. Zarba! Levan Arveladze kuchli zarba yo'lladi, biroq bu paytda hakam hushtagi chalindi, chunki darvozabon tibbiy yordamga muhtoj.

74. Diyorjon Turopov chap qanotdan oldinga borayotgan Sardorbek Azimovga nisbatan qo'pollik ishlatdi.

72. "Neftchi" azosi hujum chog'ida himoyachiga nisbatan qoidani buzdi.

69. "Neftchi" safida almashtirish: Nikabadze o'rniga Hoshimov bahsni davom ettiradi.

65. Ikki jamoa futbolchilari aytishib qolishdi. Nikabadze va Azimovga sariq kartochka ko'rsatildi.

62. "Andijon"da 2 ta o'zgarish: Abdug'aniev o'rniga Azimov, Alijonov o'rniga Bubanya tushirildi.

59. "Neftchi"da 2 ta o'zgarish: Lutfulla To'raev o'rniga G'ulom Haydar Gulyamov, Mirzohid G'ofurov o'rniga Abbosjon G'ulomov o'yinga qo'shildi.

58. Uuuux! Bu gal Giorgi Nikabadze bosh bilan darvozani poyladi, ammo noaniq.

55. Zarba! Anvarjon G'ofurovning bosh bilan yo'llagan zarbasi xavfli, ammo noaniq chiqdi.

54. Igor Litovka "Neftchi" futbolchilarining uzatmalarini urib yuborish bilan band. Posbon undan keyingi vaziyatda bosh bilan berilgan zarbani ham qaytardi.

51. "Andijon" himoyachisi Ilhomjon Alijonov Diyorjon Turopovga nisbatan qo'pollik ishlatdi va qanot hakamiga etiroz bildirdi.

47. Rubin Xebayning bosh bilan bergan zarbasi Vladimir Nazarovga hech qanday qiyinchilik tug'dirmadi.

46. Ikkinchi taym boshlandi!

Birinchi bo'lim tugadi. Hozircha hisob ochilmadi – 0:0. Tanaffus!

45. Birinchi bo'limga 1 daqiqa qo'shib berildi.

44. Abduvohid G'ulomov Mirzohid G'ofuvroga nisbatan qoidani buzdi, hakam aybdorni og'zaki ogohlantirdi.

42. Maydonda to'qnashuvda ishtirok etgan ikki jamoa azolariga tibbiy yordam ko'rsatilmoqda.

38. Zarba! Mirzohid G'ofurov qulay vaziyatga chiqib borib, to'pni to'xtatmasdan zarba berdi, ammo to'p darvozaga aniq bormadi.

38. Bugun "Istiqlol" stadionining 90% qismi muxlislar bilan to'lgan. O'yingohda haqiqiy "Vodiy derbisi" muhiti hukm surmoqda.

36. Muhitdinovning burchakdan oshirib bergan to'pidan so'ng Nikabadze bosh bilan ancha noaniq zarbaga mualliflik qildi.

35. Umar Adhamzoda oldinga shoshib, yana to'pni o'zidan uzoqlashtirib yuborgandi, ammo bu gal to'p yo'l-yo'lakay "Andijon" himoyachisiga tegib, maydonni tark etdi.

31. Umar Adhamzoda ikki raqib qurshovidan chiqib ketish istagida harakatga kirishdi, biroq to'pni o'zidan uzoqlashtirib yubordi. Endi darvozabon to'pni o'yinga kiritadi.

28. Zarbaaa! Rubin Xebayning olis masofadan yo'llagan zarbasidan keyin Vladimir Nazarov to'pni ikki urinishda egallab oldi.

24. Igor Litovka havodagi kurash chog'ida "Neftchi" azolari bilan to'qnashib ketdi. Unga tibbiy yordam ko'rsatilmoqda.

21. Zarbaaa! Bachana Arabulining bosh bilan bergan zarbasini Litovka qaytarishga erishdi!

19. Uuuux! Qanday zarba! Muhammadkarim Toirovning jarima maydonchasi ichidan yo'llagan kuchli zarbasiga aniqlik etishmadi.

15. Xebayning o'ng qanotdan uzatgan pasidan so'ng Vladimir Nazarov to'pga ega chiqdi.

14. Mezbon muxlislar o'ziga xos musiqa sadolari ostida o'z sevimli jamoalarini qo'llab-quvvatlab turishibdi.

12. "Neftchi" vakili hujum vaqtida qo'pollik ishlatdi.

8. Zarbaaa! Turopovning zarbasini darvozabon bartaraf qildi.

5. "Neftchi" to'pga egalik qilgan holda hujum boshlamoqda.

1. O'yin boshlandi!

- Uchrashuv 19:00 da boshlanadi.

Superliga. "Neftchi" "Istiqlol" stadionida "Andijon" bilan murosa ko'chasini tanladi