Денис Коростиченко: "Бу битта гол ҳал қиладиган баҳслардан эди. Иккала жамоа Суперлигада жон сақлаб қолиш учун курашди. "Бунёдкор" гол урди ва ғалаба қозонди.

- "Олимпик" биринчи бўлимда "Бунёдкор"га қараганда яхшироқ ҳаракат қилди, аммо иккинчи таймда захирадан майдонга тушганлар ўзини кўрсата олишмади, "Бунёдкор"да эса аксинча. Жамоани захираси жуда кучсиз. Жон сақлаб қолиш учун мотивация топиш қанчалик қийин бўляпти?

- Ростдан ҳам ҳар ўйин мотивация топишга қийналяпмиз. Бугун икки асосий футболчимиз бетоблиги туфайли майдонга тушмади ва бу бизга таъсир қилди. Захирадан баҳсга қўшилганлар сафида Ойбек Ўрмонжонов бироз суст ҳаракат қилди, аммо у ҳали ёш, қолганлар ёмон ҳаракат қилишмади. Демак, "Бунёдкор" захираси бизникидан кучлироқ.

- "Олимпик" сўнгги турда "Сурхон" билан ўйнайди. Жамоада лигада жон сақлаб қолиш учун имконият бор. Бу баҳс ҳақида нима дея оласиз?

- Бугун ютганимизда ҳаммаси ҳал бўларди, буёғига барчаси ўзимизга боғлиқ эмас. Албатта, ғалаба учун ҳаракат қиламиз.

Денис Коростиченко: "Бунёдкор" захираси бизникидан кучлироқ экан"