"Sherlar" libosida 46 o'yin o'tkazib, 18 gol va 5 ta assistga mualliflik qilgan forvard joriy yilning 19 iyulida jamoa bilan shartnomasini bekor qilib, erkin agentga aylandi. Oradan ko'p o'tmay, 6 avgust kuni Eren Turkiyaning "Anqaragyuju" jamoasi a'zosi sifatida tanishtirilgandi.
Ayni paytga kelib Turkiya 2-divizionida 16 ta uchrashuv o'tkazgan hujumchining hisobida 8 ta gol bor. So'nggi 4 uchrashuvda maydonni golsiz tark etgan futbolchi muxlislarning noroziligiga sabab bo'lmoqda. Ammo, Eren ayni paytda jamoasining eng yaxshi "snayper"i bo'lib turibdi. U mavsum yakunida liga to'purariga ham aylanishi mumkin.
