Яна бир нечта соатлардан сўнг старт оладиган Ўзбекистон – Жанубий Корея учрашуви олдидан ёшлар билан ишлаш бўйича мамлакатимиздаги таниқли мутахассислардан бири Дилшод Андаевнинг фикрлари билан қизиқдик.

- Албатта вакилларимизнинг Жанубий Кореяга қарши бўлажак учрашувини интизорлик билан кутяпмиз. Бу ўйинни “Машъал” футбол клубнинг барча аъзоси кузатиб боришга тайёргарлик кўрмоқда. Ўзбекистон ёшлар терма жамоамизнинг имкониятини юқори баҳолайман. Агарда Японияга қарши кўрсатган ўйинни бугунги баҳсда намойиш этишса, ишонаманки финал йўлланмасини қўлга киритамиз.

- Таркибда ўзгариш қилиш у қадар шарт эмас деб ўйлайман. Менимча Японияга қарши тушган энг оптимал таркибимиздир. Футболчиларимиз ҳимояда хушёрроқ бўлиши керак. Шунингдек олдинги чизиқ вакиллари яратилган имкониятлардан унумли фойдаланиши зарур.

- Менимча Жанубия Корея чорак финалдаги рақибимиз Япония ёшлар терма жамоасига нисбатан кучлироқ. Лекин Ўзбекистон ёшлар терма жамоаси корейсларга қарши бемалол ўйнай олади. 2:1 ҳисобида ғалаба қозонишимизни таҳмин қиляпман. Қолганини ўйин кўрсатади.

Исломбек Рустамбеков.

Дилшод Андаев: “Жанубий Корея билан ўйинда ҳам йигитларимиздан ғалаба кутяпмиз”