Dilshod Nuraliev bosh murabbiyligidagi O'zbekiston o'smirlar terma jamoasi 17 avgust kuni Toshkentda o'zining navbatdagi yig'inini boshlaydi. Ushbu yig'in davomida O'zbekiston o'smirlar terma jamoasi Eron o'smirlar terma jamoasiga qarshi 3ta o'rtoqlik-nazorat o'yinini o'tkazadi. O'zbekiston hamda Eron o'smirlari o'rtasidagi o'yinlar 18, 20, 22 avgust kunlari Toshkentdagi JAR stadionida bo'lib o'tadi.

Qayd etish lozim, O'zbekiston hamda Eron o'smirlar terma jamoalari o'zaro ilk marotaba 2011 yilda Ostonadagi xalqaro turnirda kuch sinashgan va o'sha o'yinda 1:1 hisobi qayd etilgan edi. Oradan bir yil o'tib, terma jamoalar Eronda bo'lib o'tgan U-16 o'smirlar o'rtasidagi Osiyo chempionati bahslarining yarim finalida yana bir bora to'qnash kelishdi. Yarim final uchrashuvida Dilshod Nuraliev shogirdlari 3:2 hisobida g'alaba qozongan edilar. Yakunda, O'zbekiston o'smirlar terma jamoasi Osiyo chempionatining final uchrashuvida Yaponiya o'smirlar terma jamoasini mag'lub etib, o'z tarixida ilk marotaba Osiyo chempionati g'olibiga aylangan edi.

Toshkentda Eron o'smirlar terma jamoasiga qarshi bo'lib o'tadigan uchrashuvlar, Nuraliev shogirdlari uchun shu yilning 17 oktyabr - 8 noyabr kunlari BAA mamlakatida bo'lib o'tadigan U-17 o'smirlar o'rtasidagi jahon chempionati final bosqichi o'yinlari oldidan tayyorgarlik vazifasini o'taydi. Malumot o'rnida, o'smirlar o'rtasidagi jahon chempionati bahslari final bosqichiga qura tashlash marosimi 26 avgust kuni Abu-Dabi shahrida bo'lib o'tadi. Qura tashlash marosimida O'zbekiston o'smirlar terma jamoasi bosh murabbiyi Dilshod Nuraliev hamda terma jamoa sardori Otabek Shukurov ishtirok etadilar.

Toshkentdagi yig'inga chaqiriligan futbolchilar ro'yxati.

#	Futbolchi	Tug'ilgan yili	Klub	Tug'ilgan joyi
Darvozabonlar
1	Sarvar Karimov	1996	Lokomotiv	Chinoz
2	Shoxjahon Eshbo'taev	1996	Mashal	Yangier
3	Shoxruh Raimov	1996	Paxtakor	Toshkent
Himoyachilar
4	Ibrohim Abdullaev	1996	Paxtakor	Toshkent
5	Odil Hamrobekov	1996	Nasaf	Namangan
6	Jamshid Boltaboev	1996	ROZK-Paxtakor	Toshkent
7	Oybek Erkinov	1996	Paxtakor (Registon)	Toshkent
8	Akrom Komilov	1996	Bunyodkor (Andijon)	Toshkent
9	Rustam Ashurmatov	1996	Bunyodkor	Qo'qon
10	Humoyun Agzamov	1996	Paxtakor	Toshkent
11	Shoxjahon Qilichev	1996	Alanga	Jizzax
Yarim Himoyachilar
12	Ravshan Xursanov	1996	ROZK-Paxtakor	Toshkent
13	Izzatilla Abdullaev	1996	Paxtakor (Zarafshon)	Jizzax
14	Ilxomjon Abdug'aniev	1996	ROZK-Paxtakor	Andijon
15	Islom Karimov	1996	ROZK-Paxtakor	Farg'ona
16	Zarbillo Umarov	1996	Bunyodkor	Farg'ona
17	Baxodir Daminov	1996	Paxtakor (Istiqlol)	Toshkent
Hujumchilar
18	Akobir To'raev	1996	Buxoro	Buxoro
19	Abbos Nematillaev	1996	Lokomotiv	Toshkent vil.
20	Dilshod Xushbakov	1996	Nasaf	Qarshi
21	Shaxzod Ochilov	1996	Nasaf	Samarqand
22	Ibrohim Ismoilov	1996	Navbahor	Namangan
23	Javohir Siddiqov	1996	ROZK-Paxtakor	Toshkent

O'zbekiston U-17 o'smirlar terma jamoasi Toshkentda Eron o'smirlariga qarshi o'ynaydi