Quyida mazkur intervyuni etiboringizga havola etamiz.

- O'yin davomida juda ehtiroslarga berilganingizni ko'rdik. Bu sog'lig'ingiz uchun muammo tug'dirmaydimi?
- Zahira o'rindig'ida o'tirganimda, ehtiroslarga berilib ketaman. O'sha payt qattiq hayojonga berilib biroz tobim qochib qolishi mumkin. Aynan shu ehtiroslar orqali hayajonni chiqarib yuborishga harakat qilaman. Qolaversa, futbolchilar ham mening bunday ehtirslarga berilishimga ko'nikib qolishgan.

- O'zbekiston o'smirlarining keyingi bosqichga chiqish imkoniyatlarini qanday baholaysiz?
- Oldimizda yana bir muhim o'yin turibdi. Xorvatiyaga qarshi o'yin oldidan hech narsa deb bo'lmaydi. Bu o'yinga etarlicha tayyorgarlik ko'ramiz. Umuman, kamchiliklarimiz yo'q emas. Ularni bartaraf etishga harakat qilamiz. Bugun Afrika jamoasiga qarshi o'ynaganimizni unutmaslik lozim. Afrika qitasi jamoalari odatda bu yosh toifasida kuchli bo'lishadi. Xorvatiya bilan bo'ladigan o'yinda chiroyli o'yin ko'rsatib, muxlislarimizni hursand qilishga harakat qilamiz.

- O'zbekiston ushbu musobaqaga 2011 yilgi muvaffaqiyatni takrorlash uchun kelganmi yoki jamoada bundan ham yuqoriroq natijani ko'rsata olishiga imkoniyati bor deb o'ylaysizmi?
- Ushbu yosh toifasida Braziliya, O'zbekiston yoki Marokash terma jamoalarini favorit deb atamagan bo'lar edim. Bu yoshda futbolchilarning psixologiyasi juda o'zgaruvchan bo'ladi. Har bir o'yinga etarlicha tayyorgarlik ko'rilsa, bu maqsadga ham erishish mumkin.

- O'yindan keyin doira shaklini hosil qilib, futbolchilar bilan suhbat qurdingiz. Sir bo'lmasa, ular bilan nimalarni muhokama qildingiz?
- Men ularga ajoyib o'yin uchun raxmat aytdim. O'yin juda qiyin kechdi. Shuning uchun ham ularga, xarakter va matonat ko'rsatganliklari uchun minnatdorchilik bildirdim.

Dilshod Nuralievning FIFA rasmiy saytiga bergan intervyusini quyidagi manba orqali ham tomosha qilishingiz mumkin.

Dilshod Nuraliev: Futbolchilarga ajoyib o'yin uchun raxmat aytdim