Jonli efir davomida PFL direktori vazifasini vaqtincha bajaruvchi Diyor Imomxo'jaev barchani qiziqtirgan ayrim savollarga javob berib o'tdi. Xo'sh, Superliga nima sababdan to'xtatildi?

"Biz bundan oldin Superliga bahslarining 3-15 avgust oralig'ida Toshkentda markazlashgan holatda o'tkazilishini malum qilgandik. Bugun biz O'FAdan xat oldik. Ular hozirgi pandemiya sharoitida, odamlar qiynalayotgan paytda musobaqani qoldirishni tavsiya qilishdi. Terma jamoalar uchun masul tashkilot. Qolaversa futbolni ushlab turishdan maqsad xalqaro maydon edi. Aytaylik milliy jamoamiz Jahon chempionati saralash bosqichida, Temur Kapadze murabbiyligidagi yoshlar terma jamoamiz Osiyo chempionatida ishtirok etishini yaxshi bilamiz. O'FA shunaqa tavsiya bergandan keyin biz sharoitdan kelib chiqib 15 avgustga qadar chempionat o'yinlarini to'xtatib turishga qaror qildik. Agarda terma jamoalar manfaati yo'lida bo'lganda chempionat davom etgani yaxshi edi. Avgustda "boxing day"da futbolchilarning jismoniy tayyorgarligi, jangovar ruhiyati zo'r bo'lardi. Bu erda nafaqat futbolchilarning sog'lig'i, balki stadion maysasidan tortib oddiy ishchilarning sog'lig'idan kelib chiqib shunday qarorga kelingan bo'lsa kerak. Chunki, o'yinlarni tashkil qilish uchun maydon tashqarisida bir qancha insonlar mehnat qiladi",- deydi Diyor Imomxo'jaev.

Diyor Imomxo'jaev: "O'FA tavsiyasiga ko'ra chempionat o'yinlarini 15 avgustga qadar qoldirishga qaror qildik"