Podkast mualliflaridan biri Mirkomil Musaev O'zPFL rahbarining tashkilotdagi dastlabki qadamlari qanday bosilgani bilan qiziqdi.
"PFLda Direktor maslahatchisi degan shtat bor edi. O'sha lavozimda ishga kirishganman. Birinchi kundanoq "kichik urush" boshlangan. Buyog'iga endi faqat harakat qilish kerak edi. Har kuni majlis bo'lardi: "Hojatxona eshigini kim ochiq qoldirdi?", "Nimaga galstyuk taqmading?", "Nimaga tirnog'ingni olmading?"
Faqat shunga o'xshash majlis bo'lardi, har kuni. Nomini, kimligini aytib o'tirmayman, o'sha paytda Federaciyadagi juda katta odam bilan aytishib qolishimga to'g'ri kelgan.
Birinchi yo'qotilgan illat o'sha narsa bo'lgan. Keyin sekin-sekin PFLni boshqa binoga, boshqa tashkilot sifatida ko'chib o'tishi... u erda qanaqadir odamlar bilan urishish... Boshida kelganingizda, hamma sizni talamoqchi va bosib qo'ymoqchi, so'zini o'tkazmoqchi bo'ladi. O'sha jarayondan chiqib ketgunimcha 10-15 nafar katta yoshli odam bilan konkret tortishganman. Dodamlar ishlagan paytda ishga odob bilan yondashishsa-da, ro'shnolik ko'rishmagan. Shunday narsalar bor ediki, unga odob bilan erishib bo'lmasdi. Yuzxotirlik qiladigan bo'lsangiz, bu jamiyat ustingizga chiqib, xohlaganini qiladi.
PFLda bugungi kunda men bilan elkama-elka ishlayotgan bolalar juda yaxshi bilishadi. O'sha davrlarni kulib eslaymiz. Palonchi aka bilan qanaqa urishganimiz va hokazo.
Yoshlar ittifoqi tashkilotidan odamlar kelardi. PFLga kelganida oyog'ini stolga qo'yib o'tirardi. Men buni xazm qila olmasdim. Men uchun odam qaerda va qanday lavozimda ishlashidan qati nazar odam bo'lishi kerak, chunki eng kuchli odam kelsa ham, yo'qotadigan narsam yo'q. Olsa, ishimni oladi-da derdim. Shu voqeani boshqalar kuzatib turadi, ko'radi. Bu vaziyatdan qanday chiqib ketishingizga qiziqishadi. Hamkasblarimiz ham sen mutaxassis emassan, jurnalistsan deyishardi. Bularning hammasi menga motivaciya bag'ishlagan", – dedi Imomxo'jaev.
"90minutuz" podkasti to'liq holda:
Izohlar