Uchrashuvning ahamiyati yuqori, ikki jamoaga g'alaba zarur edi. Mezbonlar Superligada jon saqlash uchun, "qaldirg'ochlar" esa turnir jadvalidagi o'rnini yaxshilash uchun astoydil harakat qilishlari kutilgandi. Dmitrie Pobulich va Usmonali Ismonalievning gollari yakunda poytaxt klubiga g'alaba keltirdi. Bu borada jamoaning serbiyalik legioneri Dmitrie Pobulichning fikrlari bilan qiziqdik.

- Superligada muhim bo'lmagan o'yinning o'zi yo'q. Qo'lga kiritilgan yoki yo'qotilgan ochko turnir jadvalidagi o'rningizga tasir qiladi. Bir nechta omadsiz o'yinlardan so'ng o'zimizga kelishimiz uchun g'alaba zarur edi. O'ylaymanki, biz Samarqandda uch ochkoga loyiq edik.

- "Bunyodkor"da professional futbolchilar yig'ilgan. Bosim ostida o'ynash normal holat. Hozirgi natijalarimiz mavsum oxirida qanday o'rinni egallashimizni ko'rsatib beradi, deya olaman. Jamoamizda yosh futbolchilar bor. Beqarorlik kuzatilishi tabiiy. Oldindagi bahslarda xatolarni bartaraf qilib, o'yinning so'nggi daqiqasigacha bor kuchimizni ishga solamiz.

- Superligada ko'proq to'p bilan muomala qiladigan jamoalarning o'yini manzur kelmoqda. Misol uchun, "Olimpik" va "Nasaf"ni aytishim mumkin. Haqiqatdan ham chiroyli futbol ko'rsatyapti.

Abdulaziz Iskandarov yozib oldi

Dmitrie Pobulich: "Bunyodkor" Samarqandda uch ochkoga loyiq edi"