Matbuot anjumaniga dastlab mehmonlar ustozi Dragan Skochich kirib keldi va jurnalistlar bilan muloqotga kirishdi.

"O'yin natijasi biz uchun qoniqarli bo'ldi. Shu bois bu borada muammo bo'lmadi. Asosiysi mehmondan o'zimiz uchun kerakli natija bilan qaytadigan bo'ldik", - deya Dragan Skochich o'z fikrlarini bildirib o'tdi.

- Ko'p vaziyatlarda Ismoil Sharifatga etirozlar bildirdingiz. Buning sababi nimada?

- Nafaqat ushbu futbolchiga, balki butun jamoaga ko'p etirozlar bildirdim. Bu o'yin bilan bog'liq emas. Aksincha ularning maydondagi vaqt cho'zish, uchrashuv boshidan suv ichishlariga etiroz bildirdim.

- Jamoa guruhdan chiqishiga ishonasizmi?

- Hozirdan bir nima demoqchi emasman. Guruhimizda yaxshi va kuchli jamoalar yig'ilishgan. Agarda musobaqani yaxshi kayfiyat bilan o'tkazsak, o'ylaymanki o'ylagan maqsadimizga erishamiz.

- Uchrashuv davomida "Fulad" maydon markazini boy berib qo'ygandek tuyuldi. Himoya va hujum orasini bog'lab turadigan futbolchilar etishmagandek ko'rindi?

- Umuman olganda har bir chiziqda xatolarga yo'l qo'ydik. Ko'p vaziyatda o'z hududimizni bo'sh qoldirdik va raqibga hujum qilish imkoniyatini yaratib berdik. Hozirgi kunda tarkibimizda bir-ikkita muammolar bor. 10 nafar futbolchimizni harbiy xizmatga jalb etishgani tufayli ular bizga yordam bera olishmadi.

Dragan Skochich: "Natija biz uchun qoniqarli bo'ldi"