Uchrashuvdan so'ng Braziliya futzal terma jamoasi yulduzi, dunyoning 3 karra eng yaxshi futzalchisi Ferrao fikrlari bilan o'rtoqlashdi. Malumot uchun, jamoalarning navbatdagi o'rtoqlik uchrashuvi ertaga "Humo" arenada bo'lib o'tadi.

"Albatta, o'yinni yaxshi boshlay olmadik. Asabiylik kuzatildi. Keyingi daqiqalarda o'yinni nazorat qildik, hammasi joyiga tushdi, gol urdik. Birinchi bo'limda so'nggi paslarni ijro etishda xatolar kuzatildi. Yigitlar bilan kelishib oldik va ikkinchi bo'limni yaxshi o'tkazdik.
O'zbekiston yaxshi terma jamoa, jismoniy taraflama ham chakki ko'ringani yo'q. Ular yanada yaxshiroq o'ynashadi. Bugungi kunda hech qaysi terma jamoani yomon yoki kuchsiz deb bo'lmaydi.
Markaziy Osiyoda futzal darajasi yildan yilga o'smoqda. Faqat oldinga intilishda davom etish zarur",- deydi Ferrao.

Dunyoning 3 karra eng yaxshi futzalchisi: "Markaziy Osiyoda futzal yildan-yilga o'smoqda"