Учрашувдан сўнг Бразилия футзал терма жамоаси юлдузи, дунёнинг 3 карра энг яхши футзалчиси Феррао фикрлари билан ўртоқлашди. Маълумот учун, жамоаларнинг навбатдаги ўртоқлик учрашуви эртага "Ҳумо" аренада бўлиб ўтади.

"Албатта, ўйинни яхши бошлай олмадик. Асабийлик кузатилди. Кейинги дақиқаларда ўйинни назорат қилдик, ҳаммаси жойига тушди, гол урдик. Биринчи бўлимда сўнгги пасларни ижро этишда хатолар кузатилди. Йигитлар билан келишиб олдик ва иккинчи бўлимни яхши ўтказдик.
Ўзбекистон яхши терма жамоа, жисмоний тарафлама ҳам чакки кўрингани йўқ. Улар янада яхшироқ ўйнашади. Бугунги кунда ҳеч қайси терма жамоани ёмон ёки кучсиз деб бўлмайди.
Марказий Осиёда футзал даражаси йилдан йилга ўсмоқда. Фақат олдинга интилишда давом этиш зарур",- дейди Феррао.

Дунёнинг 3 карра энг яхши футзалчиси: "Марказий Осиёда футзал йилдан-йилга ўсмоқда"