"Bavariya" – PSJ 2:0
Dastlabki uchrashuv: 1:0
9 mart, 01.00, Alyanc-Arena
Gol: Shupo-Moting (61, 1:0), Gnabri (90, 2:0).
Bavariya – Zommer, Stanishich, Upamekano, de Ligt, Mane, Goretcka, Kimmix, Devis, Shupo-Moting (Sane, 68), Myuller, Koman, Musiala.
PSJ – Donnarumma, Xakimi, Ramos, Danilu Pereyra, Markinos (Mukiele, 36; Bitshiabu, 46), Bernat, Mendesh, Verratti, Fabian Ruis (Zair-Emeri, 76), Vitinya, Ekitik, Messi, Mbappe.

YANGILASH

Uchrashuv yakunlandi! "Bavariya" yana PSJni turnirdan chiqarib yubordi. Umuman olganda oddiy holat)

90+4. Manening goli hisoblanmadi. Sharmandali hisobdan hakamlar qutqarishmoqda.

O'yinga 5 daqiqa qo'shib berildi.

90. GOOOOOOOOOOLLLL!!! Bo'ldi tugadi, Gnabri barchasiga nuqta qo'ydi.

86. PSJ bosim uyushtirmoqda. Vaziyatlar bo'lmayapti.

82. Mbappe bugun o'zida emas. Qizig'i, Messi va Ramos bor jamoada u nega sardor bo'lib olgan ekan?!

Nima deb o'ylaysiz, so'nggi 10 daqiqada PSJ "Real" rejimini yoqa oladimi?

79. SANEEEE!!! Ikkinchi marta "barchasini hal qilib qo'yishi mumkin edi". Ammo yana u hal qilolmadi.

75. Sane barchasini hal qilib qo'yishi mumkin edi. Yakuniy zarba noaniq.

72. Orsato bugun xuddi maydonda yo'qdek. Hech qanday etiroz ham, arzlar ham yo'q. Barcha gap PSJda.

67. Mbappe bugun Zommerni "razminka" qildirishga charchagani yo'q. Bo'sh zarbalarni ushlab olish qiyin bo'lmayapti Zommer uchun.

65. ZARBAAAAAAA!! Ramosning boshi bilan yo'llagan zarbasini Zommer qiyinchilik bilan qaytardi!

61. GGGOOOOOLLLLLLL!!!!!!! PSJning himoyasidagi qo'pol xatodan keyin Shupo-Moting hisobni ochdi!! Erik o'z maqsadiga etdi! PSJ esa "out" sari bir qadam tashladi.

59. Goretcka uzoqdan zarba yo'llagani uchun kepdan dakki eshitib oldi. Ammo myunxenliklarda burchak zarbasi bor.

~~52. GOOOOOOOOOLLLLL!!!! ERIIKKKK!!!~~ YO'Q! Erik-Maksim Shupo-Moting yoki Tomas Myullerning goli inobatga olinmadi.

51. SHUPO-MOTINGGGGG!!! Musiala Erikning gol urishi uchun barchasini amalga oshirdi. Hullaskalom u jamoadoshlari qilgan shuncha ishni....

49. MESSSIIIII!!! Yo'q, u bu safar zararli ish qildi. Jamoadoshi yo'llagan zarbani u qaytarib qoldi.

46. Ikkinchi bo'lim boshlandi! O'zgarish bor: "urushni" frontda boshlab, keyinchalik jangga qo'shilgan Mukiele joyini Bitshiabuga bo'shatdi.

Masha ayiqqa aytganidek: Tanaffus!

Demak, birinchi bo'limga yana 2 daqiqa qo'shib berildi.

40. Makedonskiy taktikasi kabi "Bavariya" chap qanotdan hujum uyushtirdi. Devisning qanotdan uzatmasini Ramos burchakka chiqarib yubordi.

38. DE LIGTTTTTT!!!!! Zommerning xatosidan keyin PSJ futbolchisi gol urishga yaqin keldi. Bo'sh darvozaga kirib ketayotgan to'pni Matteys qaytardi! Ajoyib seyv ko'rdik "darvozabondan"!

36. Mana bu jiddiy yo'qotish. Markinos o'yinni yakunladi. O'rnini Mukiele egallamoqda.

32. ZARBAAAAAAA!!! Musialadan super zarba va Jijidan super seyv!

28. PSJ negadir sekin o'ynayapti. Yoki jamoa "Enfild"dagi (MYU bilan) o'yin scenariysini kutyaptimi)

25. UXXXXX!!! Futbolmi yoki tennis. Messining besh yoki olti zarbasini himoyachilar+darvozabon amallab ushlab oldi va "Bavariya" tezkor qarshi hujumga o'tib ketdi. So'nggi pasni Markinos qaytarib yubordi.

20. Mbappe raqib postining o'ng tomonida to'p bilan paydo bo'lib, Zommer darvozasi tomon zarba yo'lladi. Tushunganingizdek, noaniq.

18. Bahsdagi ilk burchak zarbasi. Messining uzatmasini "Bavariya"dagi eng yaxshi darvozabon ushlab oldi.

16. Uchrashuvda ilk aniq zarba. Goretckaning kuchli zarbasini Evropaning eng kuchli posboni ushlab oldi.

14. Mbappe hujumda darvozabonga qarshi fol ishlatdi va to'pni tepib yubordi. Aslida bu vaziyatda Mbappeni "sarg'aytirish" kerak edi. Orsato esa Mbappening oldiga borib: "Birinchisiga kechirdim, ukam" deb ketdi.

12. Nihoyat, qizil kiyimlilar ham hujumga o'tdi. Biroq Shupo-Moting sobiq jamoasi darvozasiga zarba berishiga sobiq jamoadoshlari yo'l qo'yishmadi.

5. Parijliklar yana hujum qildi. Troya oti ichidagi askarlar kabi Mbappe o'rtadan Messidan pas so'radi. Biroq qo'riqchilar xavfni bartaraf qilishdi.

2. PSJ hujumga o'tdi. Mbappening qanotdan oshirgan to'pini Zommer ushlab oldi.

1. UCHRASHUV BOSHLANDI!

- Hurmatli futbol ishqibozlari! "Alyanc-Arena"da ECHLdagi eng zo'r bahslardan biri start olish arafasida.

ECHL. "Bavariya" PSJni turnirdan chiqarib yubordi, Messi Parij klubi bilan 1/8 finaldan o'ta olmayapti