"Бавария" – ПСЖ 2:0
Дастлабки учрашув: 1:0
9 март, 01.00, «Альянц-Арена»
Гол: Шупо-Мотинг (61, 1:0), Гнабри (90, 2:0).
Бавария – Зоммер, Станишич, Упамекано, де Лигт, Мане, Горетцка, Киммих, Дэвис, Шупо-Мотинг (Сане, 68), Мюллер, Коман, Мусиала.
ПСЖ – Доннарумма, Хакими, Рамос, Данилу Перейра, Маркиньос (Мукиеле, 36; Битшиабу, 46), Бернат, Мендеш, Верратти, Фабиан Руис (Заир-Эмери, 76), Витинья, Экитик, Месси, Мбаппе.

ЯНГИЛАШ

Учрашув якунланди! "Бавария" яна ПСЖни турнирдан чиқариб юборди. Умуман олганда оддий ҳолат)

90+4. Маненинг голи ҳисобланмади. Шармандали ҳисобдан ҳакамлар қутқаришмоқда.

Ўйинга 5 дақиқа қўшиб берилди.

90. ГООООООООООЛЛЛЛ!!! Бўлди тугади, Гнабри барчасига нуқта қўйди.

86. ПСЖ босим уюштирмоқда. Вазиятлар бўлмаяпти.

82. Мбаппе бугун ўзида эмас. Қизиғи, Месси ва Рамос бор жамоада у нега сардор бўлиб олган экан?!

Нима деб ўйлайсиз, сўнгги 10 дақиқада ПСЖ "Реал" режимини ёқа оладими?

79. САНЕЕЕЕ!!! Иккинчи марта "барчасини ҳал қилиб қўйиши мумкин эди". Аммо яна у ҳал қилолмади.

75. Сане барчасини ҳал қилиб қўйиши мумкин эди. Якуний зарба ноаниқ.

72. Орсато бугун худди майдонда йўқдек. Ҳеч қандай эътироз ҳам, арзлар ҳам йўқ. Барча гап ПСЖда.

67. Мбаппе бугун Зоммерни "разминка" қилдиришга чарчагани йўқ. Бўш зарбаларни ушлаб олиш қийин бўлмаяпти Зоммер учун.

65. ЗАРБААААААА!! Рамоснинг боши билан йўллаган зарбасини Зоммер қийинчилик билан қайтарди!

61. ГГГОООООЛЛЛЛЛЛЛ!!!!!!! ПСЖнинг ҳимоясидаги қўпол хатодан кейин Шупо-Мотинг ҳисобни очди!! Эрик ўз мақсадига етди! ПСЖ эса "оут" сари бир қадам ташлади.

59. Горетцка узоқдан зарба йўллагани учун кэпдан дакки эшитиб олди. Аммо мюнхенликларда бурчак зарбаси бор.

~~52. ГОООООООООЛЛЛЛЛ!!!! ЭРИИКККК!!!~~ ЙЎҚ! Эрик-Максим Шупо-Мотинг ёки Томас Мюллернинг голи инобатга олинмади.

51. ШУПО-МОТИНГГГГГ!!! Мусиала Эрикнинг гол уриши учун барчасини амалга оширди. Ҳулласкалом у жамоадошлари қилган шунча ишни....

49. МЕСССИИИИИ!!! Йўқ, у бу сафар зарарли иш қилди. Жамоадоши йўллаган зарбани у қайтариб қолди.

46. Иккинчи бўлим бошланди! Ўзгариш бор: "урушни" фронтда бошлаб, кейинчалик жангга қўшилган Мукиеле жойини Битшиабуга бўшатди.

Маша айиққа айтганидек: Танаффус!

Демак, биринчи бўлимга яна 2 дақиқа қўшиб берилди.

40. Македонский тактикаси каби "Бавария" чап қанотдан ҳужум уюштирди. Дэвиснинг қанотдан узатмасини Рамос бурчакка чиқариб юборди.

38. ДЕ ЛИГТТТТТТ!!!!! Зоммернинг хатосидан кейин ПСЖ футболчиси гол уришга яқин келди. Бўш дарвозага кириб кетаётган тўпни Маттейс қайтарди! Ажойиб сейв кўрдик "дарвозабондан"!

36. Мана бу жиддий йўқотиш. Маркиньос ўйинни якунлади. Ўрнини Мукиеле эгалламоқда.

32. ЗАРБААААААА!!! Мусиаладан супер зарба ва Жижидан супер сейв!

28. ПСЖ негадир секин ўйнаяпти. Ёки жамоа "Энфилд"даги (МЮ билан) ўйин сценарийсини кутяптими)

25. УХХХХХ!!! Футболми ёки теннис. Мессининг беш ёки олти зарбасини ҳимоячилар+дарвозабон амаллаб ушлаб олди ва "Бавария" тезкор қарши ҳужумга ўтиб кетди. Сўнгги пасни Маркиньос қайтариб юборди.

20. Мбаппе рақиб постининг ўнг томонида тўп билан пайдо бўлиб, Зоммер дарвозаси томон зарба йўллади. Тушунганингиздек, ноаниқ.

18. Баҳсдаги илк бурчак зарбаси. Мессининг узатмасини "Бавария"даги энг яхши дарвозабон ушлаб олди.

16. Учрашувда илк аниқ зарба. Горетцканинг кучли зарбасини Европанинг энг кучли посбони ушлаб олди.

14. Мбаппе ҳужумда дарвозабонга қарши фол ишлатди ва тўпни тепиб юборди. Аслида бу вазиятда Мбаппени "сарғайтириш" керак эди. Орсато эса Мбаппенинг олдига бориб: "Биринчисига кечирдим, укам" деб кетди.

12. Ниҳоят, қизил кийимлилар ҳам ҳужумга ўтди. Бироқ Шупо-Мотинг собиқ жамоаси дарвозасига зарба беришига собиқ жамоадошлари йўл қўйишмади.

5. Парижликлар яна ҳужум қилди. Троя оти ичидаги аскарлар каби Мбаппе ўртадан Мессидан пас сўради. Бироқ қўриқчилар хавфни бартараф қилишди.

2. ПСЖ ҳужумга ўтди. Мбаппенинг қанотдан оширган тўпини Зоммер ушлаб олди.

1. УЧРАШУВ БОШЛАНДИ!

- Ҳурматли футбол ишқибозлари! "Альянц-Арена"да ЕЧЛдаги энг зўр баҳслардан бири старт олиш арафасида.

ЕЧЛ. "Бавария" ПСЖни турнирдан чиқариб юборди, Месси Париж клуби билан 1/8 финалдан ўта олмаяпти