Shubhasiz, turning markaziy bellashuvi Neapol shahrida "Napoli" va "Milan" klublari o'rtasida kechadi.

"Inter" - "Fiorentina"

Simone Indzagining boshi yaxshigina og'riyotgan bo'lsa ajabmas. Chalxanoglu o'yinni o'tkazib yuborishi deyarli aniq. U terma jamoa safida jarohat oldi. Shkrinyar ham to'liq tayyor bo'lib ulgurmayapti chog'i. Qo'shimchasiga D`Ambrozio diskvalifikaciya tufayli jamoasiga yordam bera olmasligini unutmaslik lozim. Gosensa va Bastonining ham ishtiroki so'roq ostida. Shunday ekan majburiy ravishda eksperimentlarni ko'rsak kerak.

Terzich va Yovich jarohatini davolash bilan band, shu sabab hujumning oldingi chizig'ida Kabral tushiriladi. Unga Gonsales va Ikone yaqindan yordamlashadi. Bonaventuraning o'yinda ishtiroki so'roq ostida.

Avvalgi uchrashuvda "Inter" Florenciyadagi dramatik bahsni o'z foydasiga hal qilgandi (4-3). G'alaba goli qo'shib berilgan daqiqalarning oxirgisida urilgandi. Bu safar ham "Inter" favorit sifatida ko'rilmoqda. Ammo bu mavsum jamoaga stabillik etishmayapti va "Fiorentina"ga qarshi bellashuv oson o'tmasligini taxmin qilib ko'ramiz.

"Yuventus" - "Verona"

Turinliklar tarkibida Miretti va Milik qaytmoqda. Ammo Keza va Aleks Sandroning bu bellashuvdagi ishtiroki so'roq ostida. Shuningdek, Kostich o'zini yaxshi his qilmayotgani haqida xabar bor edi. Bunga qaramay, serb hujumda Vlaxovich va Di Mariya bilan uchlik hosil qilishga tayyor.

"Verona" safida Kopoll diskvalificaciya tufayli o'yinda ishtirok eta olmaydi. Anri va Ngone esa jarohat sabab "keksa sinora"ga qarshi maydonga tusha olmaydi. Jurichning ham ishtiroki so'roq ostida. Uning o'rniga asosiy tarkibda balki Adolfo Gaychni ko'rarmiz.

Birinchi davrada "Yuventus" qiyin bo'lsada, g'alabani tantana qilgan 1-0. Hozir Allegri jamoasi yanada yaxshiroq sport formasida va qo'shimchasiga uchrashuv Turinda bo'ladi. Bularning barchasi "keksa sinora"ning ishonchli g'alabasiga ishora qilmoqda. Muammolari etarli bo'lgan "Verona" bunday hujumga qarshi turishi qiyin bo'ladi.

"Monca" - "Lacio"

Mezbonlar ustozi Palladino diskvalifikaciya tufayli o'yinni o'tkazib yuboradigan Icco va Pessina, jarohat sabab Rovella xizmatidan foydalana olmaydi. Ammo yarim himoyaga Sensi qaytishi kutilmoqda. Unga yarim himoya markazida Machin yordamlashadi.

"Lacio"da esa Chiro Immobile safga qaytdi, gollar urishda unga Anderson va Cakanya yordam berishi zarur. Biroq rimliklar safida yo'qotishlar ham yo'q emas. Marushich diskvalificiyaga uchragan, Laccari uning yo'qligini bildirmaslikka harakat qiladi. Qolgan chiqizlarda "burgutlar"da yo'qotish yo'q va eng kuchli tarkibni kutishga asoslar etarli.

Birinchi davrada "Lacio" minimal hisobda zafar quchgan 1-0. Bu safar safarda o'ynasa ham aynan Sarri shogirdalari favorit. "Monca" tarkibidagi yo'qotishlar esa mehmonlar imkoniyatini yanada oshiradi. Ha, "burgutlar" safarda doim ham muvaffaqiyat qozona olmayapti, biroq ikkinchi o'rindagi "Lacio" jadvalda pasga tushib ketmaslik uchun astoydil harakat qiladi.

"Napoli" - "Milan"

"Napoli" tarkibida Mario Ruy qaytishi kutilayotgan bo'lsa, Viktor Osimxen maydonga tusha olmaydi. Bu tabiiyki jamoaning hujumdagi o'yiniga tasir qiladi. Uning o'rnini Jovanni Simeone egallaydi, uning ikki yonida Xvicha va Lozanoni ko'ramiz. Shuningdek, Raspadori, Demme va Bereshinski ham neapolliklarga yordam bera olmaydi.

Zlatan Ibragimovich sonidan jarohat oldi va Neapolga bormaydi. Shuningdek, Mesyas va Kalyulyuning milanliklarga yordam bera olmasligi aniq. Pioli odatiy sxemaga qaytsa ajab emas va hujumning oldingi chizig'ida Jiru jangga tashlanadi.

"Napoli" birinchi davrada "Milan"ni 2-1 hisobida enggan. Bu to'qnashuv shu bilan birga Chempionlar Ligasidagi bahs oldidan yanada qiziqarliroq bo'ladi. Biroq hozircha, chempionatda, "Napoli" favorit, biroq negadir bu bellashuvda taktik kurash ko'proq bo'ladigandek.

Sergey Rumyancev

Nozima To'xtamirzaeva tarjima qildi

ECHL oldidan repeticiya yoxud A Seriya 28-tur prevyusi