Шубҳасиз, турнинг марказий беллашуви Неаполь шаҳрида "Наполи" ва "Милан" клублари ўртасида кечади.

"Интер" - "Фиорентина"

Симоне Индзагининг боши яхшигина оғриётган бўлса ажабмас. Чалханоглу ўйинни ўтказиб юбориши деярли аниқ. У терма жамоа сафида жароҳат олди. Шкриньяр ҳам тўлиқ тайёр бўлиб улгурмаяпти чоғи. Қўшимчасига Д`Амброзио дисквалификация туфайли жамоасига ёрдам бера олмаслигини унутмаслик лозим. Госенса ва Бастонининг ҳам иштироки сўроқ остида. Шундай экан мажбурий равишда экспериментларни кўрсак керак.

Терзич ва Йович жароҳатини даволаш билан банд, шу сабаб ҳужумнинг олдинги чизиғида Кабрал туширилади. Унга Гонсалес ва Иконе яқиндан ёрдамлашади. Бонавентуранинг ўйинда иштироки сўроқ остида.

Аввалги учрашувда "Интер" Флоренциядаги драматик баҳсни ўз фойдасига ҳал қилганди (4-3). Ғалаба голи қўшиб берилган дақиқаларнинг охиргисида урилганди. Бу сафар ҳам "Интер" фаворит сифатида кўрилмоқда. Аммо бу мавсум жамоага стабиллик етишмаяпти ва "Фиорентина"га қарши беллашув осон ўтмаслигини тахмин қилиб кўрамиз.

"Ювентус" - "Верона"

Туринликлар таркибида Миретти ва Милик қайтмоқда. Аммо Кьеза ва Алекс Сандронинг бу беллашувдаги иштироки сўроқ остида. Шунингдек, Костич ўзини яхши ҳис қилмаётгани ҳақида хабар бор эди. Бунга қарамай, серб ҳужумда Влахович ва Ди Мария билан учлик ҳосил қилишга тайёр.

"Верона" сафида Кополл дисквалифицация туфайли ўйинда иштирок эта олмайди. Анри ва Нгоне эса жароҳат сабаб "кекса синьора"га қарши майдонга туша олмайди. Журичнинг ҳам иштироки сўроқ остида. Унинг ўрнига асосий таркибда балки Адольфо Гайчни кўрармиз.

Биринчи даврада "Ювентус" қийин бўлсада, ғалабани тантана қилган 1-0. Ҳозир Аллегри жамоаси янада яхшироқ спорт формасида ва қўшимчасига учрашув Туринда бўлади. Буларнинг барчаси "кекса синьора"нинг ишончли ғалабасига ишора қилмоқда. Муаммолари етарли бўлган "Верона" бундай ҳужумга қарши туриши қийин бўлади.

"Монца" - "Лацио"

Мезбонлар устози Палладино дисквалификация туфайли ўйинни ўтказиб юборадиган Иццо ва Пессина, жароҳат сабаб Ровелла хизматидан фойдалана олмайди. Аммо ярим ҳимояга Сенси қайтиши кутилмоқда. Унга ярим ҳимоя марказида Мачин ёрдамлашади.

"Лацио"да эса Чиро Иммобиле сафга қайтди, голлар уришда унга Андерсон ва Цаканья ёрдам бериши зарур. Бироқ римликлар сафида йўқотишлар ҳам йўқ эмас. Марушич дисквалифицияга учраган, Лаццари унинг йўқлигини билдирмасликка ҳаракат қилади. Қолган чиқизларда "бургутлар"да йўқотиш йўқ ва энг кучли таркибни кутишга асослар етарли.

Биринчи даврада "Лацио" минимал ҳисобда зафар қучган 1-0. Бу сафар сафарда ўйнаса ҳам айнан Сарри шогирдалари фаворит. "Монца" таркибидаги йўқотишлар эса меҳмонлар имкониятини янада оширади. Ҳа, "бургутлар" сафарда доим ҳам муваффақият қозона олмаяпти, бироқ иккинчи ўриндаги "Лацио" жадвалда пасга тушиб кетмаслик учун астойдил ҳаракат қилади.

"Наполи" - "Милан"

"Наполи" таркибида Марио Руй қайтиши кутилаётган бўлса, Виктор Осимхен майдонга туша олмайди. Бу табиийки жамоанинг ҳужумдаги ўйинига таъсир қилади. Унинг ўрнини Жованни Симеоне эгаллайди, унинг икки ёнида Хвича ва Лозанони кўрамиз. Шунингдек, Распадори, Демме ва Берешиньски ҳам неаполликларга ёрдам бера олмайди.

Златан Ибрагимович сонидан жароҳат олди ва Неаполга бормайди. Шунингдек, Месьяс ва Калюлюнинг миланликларга ёрдам бера олмаслиги аниқ. Пиоли одатий схемага қайтса ажаб эмас ва ҳужумнинг олдинги чизиғида Жиру жангга ташланади.

"Наполи" биринчи даврада "Милан"ни 2-1 ҳисобида енгган. Бу тўқнашув шу билан бирга Чемпионлар Лигасидаги баҳс олдидан янада қизиқарлироқ бўлади. Бироқ ҳозирча, чемпионатда, "Наполи" фаворит, бироқ негадир бу беллашувда тактик кураш кўпроқ бўладигандек.

Сергей Румянцев

Нозима Тўхтамирзаева таржима қилди

ЕЧЛ олдидан репетиция ёхуд А Серия 28-тур превьюси