Ushbu turda Toshkentning "Paxtakor" jamoasi o'z uyida Navoiyning "Qizilqum" klubini qabul qildi va 2:1 hisobida g'alaba qozondi. Ushbu bahsdan so'ng "Paxtakor" jamoasi darvozaboni Eldor Suyunov o'z fikrlarini bildirib o'tdi.

"Qizilqum"ga qarshi juda ham qiyin uchrashuvni o'tkazdik. Yaratilgan ko'plab imkoniyatlardan unumli foydalana olmadik. Raqib jamoa hujum qilib bizni qiynamadi, o'zimiz yaratgan imkoniyatlarimizni golga aylantira olmaganimiz uchun qiynaldik. Belgilangan penalti borasida biror fikr ayta olmayman. Chunki voqea juda ham tez sodir bo'ldi. Bir to'xtamga kelish uchun takroriy vaziyatni ko'rish kerak.

"Qizilqum" bizga qarshi himoyaviy o'yin ko'rsatdi. Agarda, gruziyalik legioner futbolchisi maydonga tushganida bizga ancha qiyinchilik tug'dirardi. Keyingi o'yinlarda "Qizilqum" yaxshi natija ko'rsatadi, deb o'ylayman. "Paxtakor" o'z uyida ochko olib, safarda nima uchun ochko yo'qotayotganini bilmayman. O'zimizni kelib olishimiz uchun biroz vaqt kerak, deb o'ylayman. Agarda buni sababini bilganimizda g'alaba qozonardik. Menimcha biroz omad kelmayapti", - deydi Eldor Suyunov

Jahongir Sotvoldiev yozib oldi

Eldor Suyunov: "Agarda, "Qizilqum"ning gruziyalik futbolchisi maydonga tushganida..."