Ushbu bahsda durang natija qayd etildi (3:3). Ushbu o'yindan so'ng Ozarboyjon terma jamoasi futzalchisi Emin Kurdov o'z fikrlari bilan o'rtoqlashdi.

“Ushbu mavsumdagi bizni ilk nazorat uchrashuvimiz bo'ldi. O'yin biz kutgandan ham juda ham qiyin kechdi. Bizdagi maydon parket bilan qoplangan, bu erdagi maydon esa rafleks. Bahs juda ham ajoyib tarzda o'tdi lekin biz uchun bu o'yin juda ham qiyin bo'ldi. Chunki bir kun oldin Ozarboyjondan Toshkentga uchib kelib ertasi kuni maydonga tushdik, charchoq alomatlari ham sezildi. Bugungi javob uchrashuvini alo darajada o'tkazamiz deb o'ylayman. Men O'zbekiston terma jamoasini yaxshi bilaman. Ayniqsa termangiz etakchisi Artur Yunusov bilan bir jamoada to'p tepganmiz. U men bilan birga Ozarboyjon chempionatida ishtirok etgan. Bilishimcha terma jamoangiz murabbiyi ispaniyalik ekan. O'zbekiston terma jamoasi avvalgidan ko'ra hozir ancha o'sishga erishganini guvohi bo'ldim. Yig'in o'tkazayotganimizga ikki oy bo'lgan bo'lsa aytib o'tganimdek ilk nazorat uchrashuvini o'tkazdik”, - deydi Ozarboyjon terma jamoasi posboni Emin Kurdov.

Jahongir Sotvoldiev

Emin Kurdov: "Ilk nazorat uchrashuvimizni o'tkazdik"