Ушбу баҳсда дуранг натижа қайд этилди (3:3). Ушбу ўйиндан сўнг Озарбойжон терма жамоаси футзалчиси Эмин Курдов ўз фикрлари билан ўртоқлашди.

“Ушбу мавсумдаги бизни илк назорат учрашувимиз бўлди. Ўйин биз кутгандан ҳам жуда ҳам қийин кечди. Биздаги майдон паркет билан қопланган, бу ердаги майдон эса рафлекс. Баҳс жуда ҳам ажойиб тарзда ўтди лекин биз учун бу ўйин жуда ҳам қийин бўлди. Чунки бир кун олдин Озарбойжондан Тошкентга учиб келиб эртаси куни майдонга тушдик, чарчоқ аломатлари ҳам сезилди. Бугунги жавоб учрашувини аъло даражада ўтказамиз деб ўйлайман. Мен Ўзбекистон терма жамоасини яхши биламан. Айниқса термангиз етакчиси Артур Юнусов билан бир жамоада тўп тепганмиз. У мен билан бирга Озарбойжон чемпионатида иштирок этган. Билишимча терма жамоангиз мураббийи испаниялик экан. Ўзбекистон терма жамоаси аввалгидан кўра ҳозир анча ўсишга эришганини гувоҳи бўлдим. Йиғин ўтказаётганимизга икки ой бўлган бўлса айтиб ўтганимдек илк назорат учрашувини ўтказдик”, - дейди Озарбойжон терма жамоаси посбони Эмин Курдов.

Жаҳонгир Сотволдиев

Эмин Курдов: "Илк назорат учрашувимизни ўтказдик"