“Ўйлашимча, уларнинг охирги йиллардаги асосий хатоси бу аҳмоқона трансфер сиёсати. Тушунарли, гап пулга бориб тақалади. Уларда “Манчестер Юнайтед” ва “Манчестер Сити” каби имкониятлар йўқ, аммо ҳозир улар мазкур клублардан унчалик ҳам узоқ эмас. “Арсенал”да топ ўйинчиларни жалб қилиш учун ҳали ҳам имкон мавжуд. Бироқ, сўнгги 6-7 йил ичида улар пулларни қандай сарфлаганлари …
Буни ким назорат қилмоқда? Шунчаки сўраяпман: ушбу қарорлар кимга тегишли? Бош мураббийнинг фикри муҳимми, бу унинг зиммасидами? Ёки директорлар кенгашидан кимдирми? Улар бу типдаги футболчилар, айниқса, ҳимоячиларни нега сотиб олишганини тушунмаяпман.
“Арсенал” ўйинларини кўриб, ҳиссиётга берилмасликка ҳаракат қиламан. Бунга қизиқмасликка ва эмоцияларни четга суришга урунаман. Уларга оддий жамоа сифатида қарайман. Ўзимга: бугун улардан яхши нарса кутма, деб айтишимга тўғри келмоқда. Айни вақт улар ҳақида шу фикрдаман.
Агар “Арсенал” номини олиб ташлаб, шунчаки, жамоадаги футболчиларга қарасангиз … Уларнинг даражаси клубга тўғри келмайди. Мавсум охирида клуб, Артета ва директорлар кенгашидагилар ўрнида бўлсам, ростини айтаман, футболчиларнинг ярмини ҳайдаб юборардим. Буни очиқ гапиряпман”, дейди Пети.

Эмманюэль Пети “Арсенал” таркиби ҳақида: “Футболчиларнинг ярмини ҳайдаб юборардим”