Xabaringiz bor, bu turda ekspert sifatida taniqli sobiq futbolchi Abdumajid Toirovning taxminlarini etiboringizga havola qilib kelyapmiz. Bugun Superliganing 6-tur uchrashuvi doirasida bitta uchrashuv, yakshanba va dushanba kunlari esa 2tadan bahs bo'lib o'tadi. Oldinda bizni "Neftchi" - "Turon" o'rtasidagi qarama-qarshilik, "Bunyodkor" - "Nasaf" to'qnashuvi kabi qiziqarli o'yinlar kutmoqda.

"Paxtakor" - "Sug'diyona"

- "Paxtakor" favorit. "Sherlar" tezlikni oshiryapti, bu o'yindan-o'yinga yaqqol ko'zga tashlanyapti. Maksim Shackix to'g'ri tarkib va sxemani tanlab oldi. Endi buyog'iga "Paxtakor"ni to'xtatish juda qiyin bo'ladi. "Sug'diyona"ga yangi murabbiy bilan ozgina vaqt kerak. Boshkovichda yaxshi futbolchilar bor, endi to'g'ri taktika va tarkib shakllantirish uchun biroz vaqt kerak bo'ladi.

"Olimpik" - "Buxoro"

-Yaxshi sifatli o'yin bo'lishiga shubham yo'q. "Buxoro" yosh va tajriba borasida "Olimpik"dan ustun. Lekin "Olimpik"da tezlik va shijoat bor. Qiziqarli duel Jaloliddinov vs Iminov. "Olimpik"ning hujumida xammasi yaxshi lekin ximoyada muammolar bor. "Buxoro" hujumda juda sust harakat qilmoqda, ximoyada xam xatolarga yo'l qo'ymoqda. Fuzaylov "Buxoro"sining o'yinlari menda yaxshi taassurot qoldirdi. Faqat ozgina omadi kelmadi. O'ylaymanki, Baqoev omadliroq bo'ladi. Tarkib yaxshi o'yin ham, demak kamchiliklar ustidan ishlashga vaqt kerak bo'ladi . "Buxoro" yuqoriroq joyga munosib.

"Neftchi" - "Turon"

-"Neftchi" shubhasiz favorit. Lekin bu "Turon" futbolchilari uchun yana xam kuchli motivaciya bo'lib xizmat qiladi. To'g'ri taktika va tarkib tanlansa bo'ldi. "Neftchi" aqlli futbol namoish etmoqda va turnir jadvalida 1- o'rinda ketmoqda. Aqlli futbol deganim, natija uchun o'ynayapti va g'alaba uchun qancha gol kerak bo'lsa, shuncha uryapti. "Neftchi" o'yin davomida raqibga moslashib, o'ziga kerakli bo'lgan tempni belgilab boradi. Xohlasa oshiradi, xohlasa tushiradi, tempni. Murabbiyning imzosi har tomonlama ko'rinib turibti.

"Bunyodkor" - "Nasaf"

-Turning bezagi. O'tqazilgan 5ta o'yinlarni 4tasini safarda (g'alaba) va 1 ta o'yin uyda (durrang) o'tkazdi. "Bunyodkor" anchadan beri o'z stadionida o'ynamagani uchundir uyda biroz o'zini noqulay xis kilayotgandek ko'rinmoqda. Lekin o'yin sifati borasida yaxshi taassurot qoldiryapti. "Nasaf" esa samaradorlikni oshirdi va oldingi kreativ o'ynlarini namoyish etishni boshladi. Agar "Nasaf"ning g'alabasi bu syurpriz bo'lsa, demak syurpriz kutsa bo'ladi.

"Endi "Paxtakor"ni to'xtatish juda qiyin, "Nasaf"dan syurpriz kutsa bo'ladi" - Superliganing bugungi va boshqa o'yinlari oldidan mutaxassis fikri