Klub rahbari uchrashuv bosh hakami Kleman Tyurpen haqidagi savolga hazil bilan javob qaytardi.
Jurnalistlar va Sereso o'rtasidagi suhbat quyidagicha ko'rinish oldi:
- Tyurpenning tayinlangani sizni xavotirga solmayaptimi?
- U bugun o'ynaydimi?
- Bu hakam-ku.
- A, hakammi. Rostini aytsam, bizning o'yinni kim boshqarishi haqida umuman ma'lumotga ega emasman, - dedi Sereso.
Eslatib o'tamiz, Atletiko va Barselona jamoalari o'rtasidagi YCHL 1/4 final javob uchrashuvi bugun tunda Madridda bo'lib o'tadi. Birinchi bahsda matraschilar 2:0 hisobida g'alaba qozonishgan edi. Diego Simeone shogirdlari o'z uylarida ushbu ustunlikni saqlab qolishga harakat qilishadi. Uchrashuv Toshkent vaqti bilan soat 00:00 da start oladi.
