Malumki, Greciyaning AEK klubida o'ynayotgan ushbu futbolchi o'tgan yil Evropa ligasi doirasida bo'lib o'tgan bahsda Isroil klubiga qarshi maydonga tushgani uchun malum muddatga terma jamoadan chetlatilgandi.

Lekin forslar bosh murabbiyi Karlush Keyrush Greciyaga borib uning o'yinini kuzatdi, bu esa yarim himoyachining yana terma jamoaga qaytishi mumkinligini bildiradi. AEK va "Olimpiakos" o'rtasidagi bahsni ko'rgan Keyrush feysbukdagi sahifasida shunday izoh qoldirdi: "Gap yo'q, Masud! Sen bugun zo'r o'ynading. Sen Greciya chempionatidagi eng zo'r futbolchilardan birisan".

Shojayining Eron termasiga qaytishini jurnalistlar bir holat bilan izohlashmoqda. Gap shundaki, Angliyaning "Nottingem Forest" klubi legioneri Ashkan Dejaga jarohat olib ikki oyga safdan chiqdi. Shveciyaning "Ostersunds" klubida to'p tepayotgan 24 yoshli Saman Goddos esa hozircha terma jamoaga kirishib keta olmasa kerak.

Eron terma jamoasining shu yil yozda jahon chempionatida ishtirok etishini hisobga olsak, tarkibda Shojayidek tajribali futbolchining bo'lishi barcha uchun koni foyda bo'ladi. Eron kurash federaciyasi sportchilarning isroillik kurashchilarga qarshi gilamga chiqishiga ruxsat berdi. Shundan kelib chiqib Karlush Keyrush ham Shojayini terma jamoaga qaytarmoqchi.

Agar Shojayi terma jamoa safida jahon chempionatiga borgudek bo'lsa, u eronliklar ichida uchta mundialda qatnashgan dastlabki futbolchi bo'ladi. Malumot uchun, 33 yoshli yarim himoyachi milliy jamoa safida 70tadan ko'p o'yin o'tkazgan.

Eron futboli. Masud Shojayi yana terma jamoaga qaytishi mumkin