Ushbu sahifada o'yinning natijasi va eng asosiy vaziyatlarini kuzatib borish mumkin.

YANGILASH

Uchrashuv boshlandi. 7-daqiqada Javohir Sidiqov jarima maydoni chizig'i ustidan kuchli zarba berdi, to'p darvoza yuqorisidan o'tib ketdi.

17-daqiqada burchak to'pidan so'ng Ruzbex Cheshmi boshi bilan gol urdi - 1:0. 25-daqiqada Abbos Otaxonovning zarbasini darvoza chizig'i ustida turgan himoyachi qaytardi. 30-daqiqada o'ng qanotdan Masharipov jarima maydoni ichiga kirib borib to'pni sheriklariga uzatdi, O'rinboev darvozaga zarba bera olmadi.

45-daqiqada mezbonlar xavfli hujum tashkil etishdi, berilgan zarba noaniq ketdi.

Birinchi taym tugadi.

Ikkinchi taym boshlandi. Forslar bo'limni hujumlar bilan boshlashdi, Botirali Ergashev ketma-ket ikkita seyv qildi. 52-daqiqada Azizjon G'anievning kuchli va aniq zarbasini darvozabon egallab oldi.

62-daqiqada Masharipovning to'p uzatishidan so'ng O'rinboev zarba berdi, darvozabon to'pni qaytardi. 70-daqiqada Botirali Ergashev ajoyib seyv qilib jamoamizni goldan qutqardi. 80-daqiqada Yaxshiboevning zarbasini darvozabon qaytardi, qaytgan to'pni Masharipov darvozaga yo'lladi, bu safar ham posbon o'z o'rnida.

Uchrashuvda boshqa gol urilmagan Eron 1:0 hisobida g'alaba qozondi.

Eron - O'zbekiston 1:0

Gol: Ruzbex Cheshmi 17, - 1:0.

Eron: Amir Obidzoda (Hussayin Hussayni, 46), Vurya G'afuri (Jalol Hussayni, 46), Muhammad Rizo Xonzoda, Majid Hussayni, Ali G'oibzoda, Ruzbex Cheshmi (Said Izzatullohi, 46), Karim Ansarifard (Vohid Amiri, 70), Ehson Xojsafi (Pejman Montazari, 59), Mehdi Torabi, Rizo G'uchannajod, Mehdi Taremi (Milad Muhammadi, 68).

O'zbekiston:1.Botirali Ergashev, 2.Rustam Ashurmatov (13.Islom Qobilov, 70), 4.Akrom Komilov, 5.Abbos Otaxonov, 6.Aziz G'aniev, 7.Odiljon Hamrobekov (14.Xurshid G'iyosov, 78), 9.Zabihillo O'rinboev (11.Andrey Sidorov, 83), 10.Aziz Turg'unboev (23.Jasur Yaxshiboev, 77), 17.Jaloliddin Masharipov (8.Islom Kenjaboev, 88), 20.Doston Tursunov, 22.Javohir Sidiqov (18.Sardor Sobirxo'jaev, 68).
Zaxira: 12.Rahimjon Davronov, 21.Umid Ergashev, 3.Xojiakbar Alijonov, 16.Doniyor Narzullaev.

Ogohlantirishlar: Majid Hussayni 90.

O'rtoqlik uchrashuvi. Yoshartirilgan O'zbekiston terma jamoasi Eronga yutqazdi