Ушбу саҳифада ўйиннинг натижаси ва энг асосий вазиятларини кузатиб бориш мумкин.

ЯНГИЛАШ

Учрашув бошланди. 7-дақиқада Жавоҳир Сидиқов жарима майдони чизиғи устидан кучли зарба берди, тўп дарвоза юқорисидан ўтиб кетди.

17-дақиқада бурчак тўпидан сўнг Рузбех Чэшми боши билан гол урди - 1:0. 25-дақиқада Аббос Отахоновнинг зарбасини дарвоза чизиғи устида турган ҳимоячи қайтарди. 30-дақиқада ўнг қанотдан Машарипов жарима майдони ичига кириб бориб тўпни шерикларига узатди, Ўринбоев дарвозага зарба бера олмади.

45-дақиқада мезбонлар хавфли ҳужум ташкил этишди, берилган зарба ноаниқ кетди.

Биринчи тайм тугади.

Иккинчи тайм бошланди. Форслар бўлимни ҳужумлар билан бошлашди, Ботирали Эргашев кетма-кет иккита сейв қилди. 52-дақиқада Азизжон Ғаниевнинг кучли ва аниқ зарбасини дарвозабон эгаллаб олди.

62-дақиқада Машариповнинг тўп узатишидан сўнг Ўринбоев зарба берди, дарвозабон тўпни қайтарди. 70-дақиқада Ботирали Эргашев ажойиб сейв қилиб жамоамизни голдан қутқарди. 80-дақиқада Яхшибоевнинг зарбасини дарвозабон қайтарди, қайтган тўпни Машарипов дарвозага йўллади, бу сафар ҳам посбон ўз ўрнида.

Учрашувда бошқа гол урилмаган Эрон 1:0 ҳисобида ғалаба қозонди.

Эрон - Ўзбекистон 1:0

Гол: Рузбех Чешми 17, - 1:0.

Эрон: Амир Обидзода (Ҳуссайин Ҳуссайни, 46), Вуря Ғафури (Жалол Ҳуссайни, 46), Муҳаммад Ризо Хонзода, Мажид Ҳуссайни, Али Ғоибзода, Рузбех Чешми (Саид Иззатуллоҳи, 46), Карим Ансарифард (Воҳид Амири, 70), Эҳсон Хожсафи (Пежман Монтазари, 59), Меҳди Тораби, Ризо Ғучаннажод, Меҳди Тареми (Милад Муҳаммади, 68).

Ўзбекистон:1.Ботирали Эргашев, 2.Рустам Ашурматов (13.Ислом Қобилов, 70), 4.Акром Комилов, 5.Аббос Отахонов, 6.Азиз Ғаниев, 7.Одилжон Ҳамробеков (14.Хуршид Ғиёсов, 78), 9.Забиҳилло Ўринбоев (11.Андрей Сидоров, 83), 10.Азиз Турғунбоев (23.Жасур Яхшибоев, 77), 17.Жалолиддин Машарипов (8.Ислом Кенжабоев, 88), 20.Достон Турсунов, 22.Жавоҳир Сидиқов (18.Сардор Собирхўжаев, 68).
Захира: 12.Раҳимжон Давронов, 21.Умид Эргашев, 3.Хожиакбар Алижонов, 16.Дониёр Нарзуллаев.

Огоҳлантиришлар: Мажид Ҳуссайни 90.

Ўртоқлик учрашуви. Ёшартирилган Ўзбекистон терма жамоаси Эронга ютқазди