Championat.asia sayti ma'lumotlariga ko'ra, Lyupcho Dorievning "So'g'diyona" bilan 2026 yil oxirigacha shartnomasi bor. Uning shartnomasida tovon puli miqdori 1 mln dollar ekanligi ko'rsatib o'tilgan.
Qaysidir klub uni olmoqchi bo'lsa, o'sha summani to'lashi kerak. "So'g'diyona" uni tekinga qo'yib yubormaydi.
29 yoshli futbolchi ushbu mavsum jizzaxliklar tarkibida 16 o'yinda maydonga tushib, 9 ta gol urdi va 5 ta golga assistentlik qildi.
Avvalroq Dorievga "Nasaf" va boshqa jamoalardan qiziqish borligi haqida mish-mishlar tarqalgan edi.
