Shartlar: Toshkent vaqti bilan 21:00da Ronaldu va Messi mavzusida dastlabki savol beriladi. Keyingi savollar 5 daqiqa oralig'ida berib boriladi. Savollarning umumiy soni 10ta.

Agar Ronaldu muxlisi sifatida javob bermoqchi bo'lsangiz, javobdan oldin yoki keyin 1 raqamini qo'ying, agar Messi ishqibozlari jamoasida bo'lsangiz javobga 2 raqamini qo'shib qo'ying. Jamoa raqami qo'yilmagan javoblar hisobga olinmaydi.

Har bir to'g'ri javob uchun Ronaldu yoki Messi jamoasiga 1 balldan beriladi. Savol birinchi aniq javobgacha davom etadi. Agar ikkala jamoa vakili bir daqiqa ichida to'g'ri javob bersa, har bir jamoaga 1 balldan beriladi.

YANGILASH

1.Krishtianu Ronaldu va Lionel Messi o'z terma jamoalarida urgan gollari soni nechta?
Javob: Ronaldu 99ta - Messi 70ta.
To'g'ri javob muallifi - RAKUTEN.
Ronaldu - Messi 0:1

2. Ronaldu hamda Messi jamoalari o'rtasidagi bahsda ikkala futbolchi gol urgan dastlabki uchrashuv sanasini ko'rsating.
Javob: 2011 yil 9 fevral. Argentina - Portugaliya 2:1 (o'rtoqlik o'yini)
To'g'ri javob: yo'q.
Ronaldu - Messi 0:1

3. Ronaldu va Messi faoliyati davomida necha marta xet-trik qayd etishgan?
Javob: Ronaldu 56 - Messi 54.
To'g'ri javob muallifi: Burgansoy
Ronaldu - Messi 0:2

4. Krishtianu va Lionel faoliyati davomida nechtadan gol urishgan?
Javob: Ronaldu 725 - Messi 697
To'g'ri javob muallifi: Monoblok
Ronaldu - Messi 1:2

5. Messi - Ronaldu to'qnashuvida birinchi bo'lib "Oltin to'p"ni qaysi futbolchi qo'lga kiritgan va qachon qo'lga kiritgan?
Javob: Krishtianu Ronaldu (2008)
To'g'ri javob mualliflari: Yokubov, Monoblok
Ronaldu - Messi 2:3

6. Ronaldu hamda Messining 2020 yilda urgan gollari soni qancha?
Javob: Ronaldu 13 - Messi 9
To'g'ri javob muallifi: Monoblok
Ronaldu - Messi 3:3

7. Krishtianu Ronalduning farzandlari sonini va ularning ismlarini ayting.
Javob: 4 nafar farzandi bor. Krishtianu Ronaldu junior, Eva Mariya, Meteo Ronaldu va Alana Martina.
To'g'ri javob mualliflari: Nodirjon Abdurasulov, Yokubov.
Ronaldu - Messi 4:4

8. Lionel Messining kenja o'g'li Chironing tug'ilgan yilini ayting.
Javob: 2018.
To'g'ri javob mualliflari: Yokubov, Javoxir Baxronov.
Ronaldu - Messi 5:5

9. Messi Argentina yoshlar (U20) terma jamoasi safida nechta uchrashuvda maydonga tushgan?
Javob: 18ta
To'g'ri javob mualliflari: Yokubov, GROM
Ronaldu - Messi 6:6

10. Krishtianu Ronaldu APLdagi dastlabki mavsumida nechta gol urishga muvaffaq bo'lgan?
Javob: 4ta
To'g'ri javob muallifi: MMMReal
Ronaldu - Messi 7:6

O'yin yakunlandi. Umumiy hisob: Ronaldu 7:6 Messi

"Fanat liga". Ronaldu - Messi 7:6