O'zbekiston U-18 terma jamoasi bosh murabbiyi Farhod Nishonov bevosita terma jamoa bilan birga "Olimpik-Farm"ni ham boshqaradi va tayyorlab boradi. Ayni kunlarda O'zbekiston U-18 terma jamoasi Toshkentda o'quv-mashg'ulot yig'inini o'tkazmoqda. Bosh murabbiy Farhod Nishonov oldindagi musobaqalarga tayyorgarlik va maqsadlar haqida gapirib o'tdi.

"Bu terma jamoamiz 2005 yil tug'ilgan futbolchilardan tashkil topgan. Bu yil hisobidan ilk yig'inimizni o'tkazmoqdamiz. Oldinda rasmiy musobaqalarimiz yo'q. Keyingi yil Osiyo chempionati saralashi bo'lib o'tadi. Faqatgina may oyida CAFA musobaqasi bor. Mazkur turnirga tayyorgarlikni hozirdan boshladik",- deydi Farhod Nishonov.

- Bir vaqtni o'zida "Olimpik-Farm"ni ham boshqarasiz. Bu jamoa qaysi yilda tug'ilgan futbolchilarni o'ziga qamrab oldi?

- "Olimpik-Farm" ham 2005 yillardan iborat. Maqsadimiz 2028 yilgi olimpiadaga chiqib, munosib natija ko'rsatish. Bunga tayyorgarlik hozirdan boshlangan. Terma jamoani asosiy futbolchilari "Olimpik-Farm"ga o'tdi. Faqat o'zining jamoasida asosiy tarkibda o'ynayotgan yoki nomzod bo'lgan futbolchilarni qoldirganmiz. Klublar bir yilga ijaraga berishgan.

- Bu terma jamoaning murabbiyi Rauf Inileev edi. Mazkur holatga izoh bera olasizmi?

- Rauf Inileev maslahatchi bo'lib qoldi. Bosh murabbiylikni menga topshirishdi. Vengriya yig'inidan keyin jamoani men qabul qilib oldim.

Farhod Nishonov: "Olimpik-Farm"ning asosiy maqsadi 2028 yilgi olimpiadaga tayyorgarlik ko'rish va unda munosib ishtirok etish"