15 yanvarga qadar davom etadigan ushbu musobaqa O'zbekiston Respublikasi Qurolli kuchlarining 30 yilligi hamda "14 yanvar - Vatan himoyachilari kuni" munosabati bilan tashkil qilingan.

Turnir reglamentiga ko'ra, 16ta jamoa qura tashlash orqali 8ta juftlikka bo'lib chiqildi. O'yinlar pley-off tizimida bo'lib o'tyapti va g'olib jamoalar keyingi bosqichga yo'l oladi. 25 dekabr kuni nimchorak finalning dastlabki 4ta o'yini o'tkazildi.

25 dekabr, shanba

"Sardor Veteran" - "Uzinter" 1:3

"Olmazor" - "Olimp" 5:2

"Burgut" - "SardorUz" 3:3 (penaltilar seriyasi 4:5)

"Evrotim" - "Billur" 0:0 (penaltilar seriyasi 3:4)

Dastlabki 4ta o'yin natijasiga ko'ra, "Uzinter", "Olmazor", "SardorUz" va "Billur" jamoalari keyingi bosqichga yo'l oldi. 26 dekabr kuni nimchorak finalning yana 4ta uchrashuvi bo'lib o'tadi.

26 dekabr, yakshanba

9:00. "Spartak" - "Qoraqamish"

10:00. "Polyot" - "Faxr"

11:00. "Metrostroy" - "O'zgarish"

12:00. "Intersport" - "Yunusobod"

O'yinlar "Obod" stadionida o'tkazilmoqda. Musobaqaning ochilish uchrashuvidan oldin asosiy tashkilotchi - O'zbekiston "VETERAN" jangchi faxriylar birlashmasining sport ishlari bo'yicha rais maslahatchisi Nuriddin Boboev so'z olib, jamoalarga omad tiladi. Birinchi o'yin O'zbekiston mustaqilligi yillarida Vatan himoyasi yo'lida halok bo'lgan harbiylar xotirasi uchun bir daqiqalik sukut saqlash bilan boshlandi.

Eslatib o'tamiz, mazkur musobaqaning bosh tashkilotchisi O'zbekiston "VETERAN" jangchi faxriylar birlashmasi bo'lib, turnir Toshkent shahar futbol associaciyasi, Mudofaa Vazirligining faxriylar ishlari bo'yicha Markaziy kengashi va boshqa tashkilotlar hamkorligida o'tkazilmoqda.

Faxriylar turniri. Birinchi bosqichga start berildi